शिमला: चार पटकका विधायक र पूर्व प्रदेश कांग्रेस अध्यक्ष सुखविन्द्र सिंह सुक्खुले हिमाचल प्रदेशको १५औं मुख्यमन्त्रीको रूपमा शपथ लिए। सुक्खुसँगै मुकेश अग्निहोत्रीले उप मुख्यमन्त्रीको शपथ लिएका छन्। शपथ ग्रहण कार्यक्रम शिमलाको रिज मैदानमा सम्पन्न  भएको थियो। शिमलाको रिज मैदानमा राज्यपाल राजेन्द्र विश्वनाथ अर्लेकरले सुखविन्दर सिंह सुक्खुलाई राज्यको १५औँ मुख्यमन्त्रीको रूपमा पद तथा गोपनीयताको शपथ गराए। सुखविन्दर सिंह सुक्खुकी आमा संसार देई, कांग्रेस सह-प्रभारी सञ्जय दत्त, कांग्रेस प्रदेश अध्यक्ष प्रतिभा सिंह पनि मंचमा पुगे। राहुल गान्धी र प्रियंका गान्धीले राज्यको ६ पटक मुख्यमन्त्री भएका स्वर्गीय वीरभद्र सिंहलाई फूल चढाए। मानिसहरूले मुख्यमन्त्री जिन्दाबाद, सुखविन्दर सिंह सुक्खु जिन्दाबादको नारा लगाए। कांग्रेस प्रदेश अध्यक्ष तथा सांसद प्रतिभा सिंहले राहुल गान्धीलाई भनिन्, ‘हामीले हिमाचल प्रदेशमा कांग्रेसलाई फिर्ता ल्याउने वाचा गरेका थियौंl’ यसका लागि राहुल गान्धीले प्रतिभा सिंहलाई बधाई दिए।