​सिलगढी: सिलगढी पुलिस कमिसनरेट अन्तर्गत पर्ने सबै थाना, ट्राफिक गार्ड र विभिन्न युनिटहरूमा आज, १८ जूनका दिन योग सत्र र स्वच्छता अभियान व्यापक रूपमा संचालन गरियो। पुलिस कर्मीहरूको शारीरिक अनि मानसिक स्वास्थ्यलाई चुस्त-दुरुस्त राख्ने उद्देश्यका साथ यो पहल गरिएको हो।
​आज आयोजित यस विशेष कार्यक्रममा पुलिस कर्मीहरूले निकै उत्साहका साथ भाग लिएका थिए। स्वास्थ्यकर जीवनशैलीलाई बढ़ावा दिन, मानसिक तनाव कम गर्न, एकाग्रता बढ़ाउन र आपसी समन्वयलाई अझ दह्रो बनाउनका लागि यो दुवै अभियान उत्तिकै प्रभावकारी रहने बताइएको छ।

सिलगढी पुलिस कमिसनरेट आफ्ना जवान तथा अधिकारीहरूको समग्र स्वास्थ्य र कल्याणप्रति सधैं प्रतिबद्ध रहँदै आएको छ। पुलिस कर्मीहरू शारीरिक रूपमा फिट र मानसिक रूपमा सतर्क रहे मात्र समाजको सेवा अझ उत्कृष्ट ढंगमा गर्न सकिन्छ भन्ने कुरालाई ध्यानमा राखेर नै यस्ता कार्यक्रमहरू निरन्तर रूपमा आयोजना गरिँदै आएको कमिसनरेट पक्षबाट जनाइएको छ।