सिलगढी: भारत सरकारका संसदीय मामिला तथा अल्पसंख्यक मामिला मन्त्री किरेन रिजिजु आज सिक्किमको आधिकारिक भ्रमणका लागि बागडोगरा विमानस्थल आइपुगे। ‎उनको आगमनका अवसरमा गृह विभाग, बागडोगरा इकाइकी अतिरिक्त सचिव शर्मिष्ठा प्रधान, सम्पर्क अधिकृत तथा अभियोजन निर्देशनालयका वरिष्ठ प्रशासनिक अधिकृत जिग्मी पिन्त्सो भुटिया लगायत गृह विभागका अन्य अधिकारीहरूले स्वागत गरे।‎

संघीय मन्त्री रिजिजु निर्धारित कार्यक्रमअनुसार सिक्किमतर्फ प्रस्थान गरिसके। उनको भ्रमणका क्रममा विभिन्न आधिकारिक कार्यक्रममा सहभागिता जनाउने तथा माङ्गन जिल्लामा स्थलगत अवलोकन गर्ने कार्यक्रम रहेको जनाइयो।