थामी डाँडामा समापन कार्यक्रमकाे आयोजना

​गान्ताेक: सिक्किम सरकारको महिला, बाल विकास तथा सामाजिक कल्याण विभाग (डब्ल्यूसीएससी और डीडब्ल्यू) को आयोजनामा राज्यभर सञ्चालित हप्ताव्यापी ‘विश्व स्तनपान सप्ताह २०२६’ (१ देखि ७ अगस्ट) शुक्रबार सम्पन्न भएको छ। यसै क्रममा गङ्तोक ग्रामीण परियोजना अन्तर्गतको थामी डाँडा आँगनबाडी केन्द्रमा समापन समारोहको आयोजना गरियो।
​उक्त कार्यक्रममा आईसिडिएसका उपनिर्देशक, सुपरभाइजर, आँगनबाडी कार्यकर्ता, आशा कार्यकर्ता तथा पोषण शिक्षाविद्हरूको उपस्थिति रहेको थियो। समारोहमा पोषण प्रभागले शिशु जन्मेको ६ महिनासम्म पूर्ण स्तनपान गराउन र त्यसपछि पूरक आहार दिनेबारे जनचेतना फैलाउनका लागि छनोट गरिएकी एक ‘स्मार्ट आमा’ लाई खदा, प्रमाणपत्र र पोष्टिक बहु-अन्न (मल्टी-ग्रेन) पाउडर प्रदान गरी सम्मान गरेको छ।
​कार्यक्रममा आईसिडिएसकी उपनिर्देशक दोर्जी डोमा भोटियाले यस वर्षको नारा “दीगो जीवनको सुरुआतका लागि स्तनपान: प्रभावकारी प्रयासहरूलाई सुदृढ बनाऔँ” (ब्रेस्फीडिंग फॉर अ सस्टेनेबल सट्रट इन लाइफ: सटेरनदनस वट वर्क्स) बारे प्रकाश पारिन्। सो अवसरमा उपस्थित गर्भवती तथा सुत्केरी महिलाहरूलाई स्तनपानको महत्त्वबारे जानकारी गराइएको थियो।