गान्तोक: सिक्किममा आगामी ८ र ९ मेमा आयोजना हुन गइरहेको ‘कलाकार भरोसा सम्मेलन’ अन्तर्गत प्रसिद्ध नृत्य निर्देशक कमल राई ले नृत्य कलाकार तथा नृत्य संयोजकहरूका लागि विशेष प्रशिक्षण सत्र सञ्चालन गर्ने भएका छन्।‎यो दुईदिने कार्यक्रम सिक्किम कला संस्कृति तथा सम्पदा विकास बोर्ड द्वारा आयोजना गरिँदैछ। सम्मेलनको उद्देश्य सिक्किमका कलाकारहरूको प्रतिभा विकास गर्नु तथा राज्यको सिर्जनात्मक वातावरणलाई अझ सुदृढ बनाउनु रहेको छ।‎कार्यक्रम प्रेम सिंह तामाङ गोलाय को प्रमुख संरक्षणमा तथा कृष्णा कुमारी राई को मार्गदर्शनमा सञ्चालन हुनेछ।‎आयोजकका अनुसार, यस सम्मेलनले स्थानीय कलाकारहरूलाई आफ्नो क्षमता प्रदर्शन गर्ने महत्वपूर्ण अवसर प्रदान गर्नेछ।‎सम्मेलनमा नृत्य, संगीत तथा अन्य सांस्कृतिक गतिविधिहरू समेटिनेछन्, जसले सिक्किमको समृद्ध सांस्कृतिक पहिचानलाई अझ प्रवर्द्धन गर्ने विश्वास गरिएको छ।