ग्लास्गो: भारतका सर्वेश कुशारेले राष्ट्रमण्डल खेलहरू २०२६-मा इतिहास रचे। यस ३१ वर्षीय एथलीटले पुरुष हाई जम्प स्पर्धामा २.२५ मीटरको जम्प लगाएर रजत पदक जिते। उनी राष्ट्रमण्डल खेलहरूको इतिहासमा यस स्पर्धामा रजत पदक जित्ने पहिलो भारतीय बने। यसअघि तेजस्विनी शंकरले २०२२ बर्मिंघम खेलहरूमा काँस्य पदक जितेर इतिहास रचेका थिए। सर्वेश र जमैकाका रोमेन बेकफोर्ड दुवैले २.२५ मीटरको उँचाई सफलतापूर्वक पार गरे तर २.२८ मीटरको उँचाई पार गर्न दुवै असफल रहे। त्यसपछि काउण्टब्याक नियमको आधारमा फसेला भयो। बेकफोर्डले कम्ती असफल प्रयास गरेका थिए। यसैकारण उनलाई स्वर्ण पदक प्राप्त भयो जबकि सर्वेशलाई रजत पदक हासिल भयो। ईंग्ल्याण्डका ज्याक किमानीले २.२० मीटरको जम्प लगाएर काँस्य पदक जिते। भारतका आदर्श राम २.१५ मीटरको जम्प लगाएर पाँचौं स्थानमा रहे। सर्वेशले यसै महिना मोनाको डायमण्ड लीगमा २.२६ मीटरको जम्प लगाएर तेस्रो स्थान हासिल गरेका थिए अनि डायमण्ड लीगको पोडियममा पुग्ने चौथो भारतीय एथलीट बनेका थिए। यसअघि उनले भुवनेश्वरमा राष्ट्रिय अन्तरराज्यीय च्याम्पियनशीपमा २.३१ मीटरको जम्प लगाएर नयाँ राष्ट्रिय रेकर्ड पनि बनाएका थिए। प्रधानमन्त्री नरेन्द्र मोदीले सोशल मीडियामा सर्वेश कुमारलाई बधाई दिएका छन्।