मुम्बई: दिल्लीको श्रद्धा वाकर हत्या प्रकरण जस्तै मुम्बईको मीरा रोड घटनाले शहरलाई हल्लाएको छ। यहाँ एक ३२ वर्षीया महिलाको कथित रूपमा उनको लिभ इन पार्टनरले हत्या गरेको थियो र शवलाई धेरै टुक्रामा काटेको थियो। पुलिसका अनुसार फ्ल्याटबाट खुट्टासहित १३ वटा शव फेला परेको थियो। उक्त व्यक्तिले आफ्नो लिभ इन पार्टनरको हत्या गरी आराले शवलाई टुक्रा पारेको आरोप छ। त्यसपछि आरोपीले शवका टुक्रालाई कुकरमा उमालेका थिए। उनले उमालेको मासु कुकुरलाई खुवाएको पुलिसको आशंका छ। अभियुक्तको नाम मनोज साने हो। उनी विगत ३ वर्षदेखि मीरा रोड क्षेत्रस्थित आकाशगंगा भवनको सातौं तल्लामा सरस्वती वैद्य नामक महिलासँग भाडामा लिएर बस्दै आएका थिए। भवनबाट दुर्गन्ध निस्किएपछि भवनका बासिन्दाले बुधबार पुलिसलाई खबर गरेका थिए।

तीन चार दिनअघि महिलाको हत्या
मुम्बई पुलिसका डीसीपी जयत बजबलेले भने- हामीले फ्ल्याटमा एक महिलाको शवका टुक्राहरू फेला पारेका छौं। यी टुक्राहरू सडेका थिए, जसलाई हेर्दा तीन–चार दिनअघि हत्या भएको अनुमान गरिएको छ। अभियुक्तलाई हिरासतमा लिएका छौं। उनीमाथि सोधपुछ भइरहेको छ।

पुलिसका अनुसार हत्याअघि मनोज–सरस्वतीबीच झगडा भएको थियो:
डिसीपी जयन्त बजबलेले मनोज र सरस्वतीबीच झगडा भएको बताए। त्यसपछि मनोजले महिलाको हत्या गरी कटरले शव काटेका थिए। त्यहाँ पुगेपछि हामीले बुझ्यौं कि यो हत्याको मुद्दा हो र अभियुक्तले प्रमाण लुकाउन खोजेको हो। आरोपितले विगत दुई–तीन दिनदेखि कुकुरलाई खुवाउँदै गरेको समाजका बासिन्दाले पुलिसलाई बताए। आरोपितले यसअघि कहिल्यै यस्तो गरेको नदेखेको उनीहरूले बताएका छन्।