​गान्ताेक: सिक्किमको रिम्बी क्षेत्रमा भएको क्षतिपछि जारी राहत तथा पुनर्स्थापना कार्यका लागि टीएनए एल्युम्नाई एसोसिएसनले २ लाख २२ हजार २ सय २२ रूपैयाँ आर्थिक सहयोग प्रदान गरेको छ। एसोसिएसनका प्रतिनिधिहरूले ‘मुख्यमन्त्री राहत कोष’का लागि सो रकम बराबरको चेक हस्तान्तरण गरेका हुन्।
​सिक्किमका मुख्यमन्त्री प्रेमसिंह तामाङ (गोले) ले टीएनए एल्युम्नाई एसोसिएसनको यस योगदानप्रति हार्दिक आभार व्यक्त गरेका छन्। सामाजिक सञ्जालमार्फत जानकारी गराउँदै मुख्यमन्त्री तामाङले कठिन समयमा देखाइएको यो सद्भाव, करुणा र सामाजिक उत्तरदायित्वले प्रभावित नागरिकहरूलाई सहयोग पुर्‍याउन ठूलो बल पुग्ने बताएका छन्।
​”अप्ठ्यारो परिस्थितिमा रिम्बीका जनताको साथमा उभिएर सहयोगको हात बढाएकोमा टीएनए एल्युम्नाई एसोसिएसनलाई धन्यवाद दिन चाहन्छु,” मुख्यमन्त्रीले भनेका छन्, “यस्ता ऐक्यबद्धताका प्रयासहरूले हामीलाई एकजुट भएर चुनौतीहरूको सामना गर्न र नयाँ आशाका साथ पुनःनिर्माण गर्न प्रेरणा दिन्छन्।”