जयपुर: राजस्थानमा पहिलो पटक मानसून आउनअघि नै बाढ़को स्थिति उत्पन्न भएको छ। चक्रवात बिपरजोयको तूफानी कदमले गर्दा राज्यका पाँचवटा जिल्लाहरू क्रमैले बाड़मेर, पाली, राजसमंद, भीलवाड़ा, अजमेरका विभिन्न क्षेत्रहरूमा बाढ़को स्थिति उत्पन्न भएकोले जनजीवन नराम्रो घतले प्रभावित भएको छ। चक्रवातको कारणले बितेको २४ घण्टामा पालीको मुठानामा ५३० मिलीमीटर अर्थात २१.३ इञ्च वर्षा भएको छ। पालीमा पनि १२ इञ्च वर्षा भएको छ। बूँदी, अजमेर, भीलवाड़ाका सयकड़ौं गाउँहरूमा बिजुली बाधित छ। अहिलेसम्ममा राज्यमा आठजनाको मृत्यु भएको समाचार छ। अजमेर र जोधपुरमा वर्षाले सय वर्षको रेकर्डलाई पछि पारेको छ। अब मौसम विज्ञान विभागले कोटा, बारां-सवाई माधोपुरमा रेड अलर्ट जारी गरेको छ।

राजस्थानमा मानसून सीजन (जूनदेखि सेप्टेम्बरसम्म)मा करिब ४१५ मिलीमीटर वर्षा हुन्छ। प्रारम्भिक महिना जूनमा लगभग ५० मिलीमीटर वर्षा हुन्छ। चक्रवातको कारणले अजमेरमा वर्षाको १०५ वर्ष पुरानो रेकर्ड तोड़िएको छ। यहाँ १७ जून, १९१७ मा ११९.४ मिलीमीटर वर्षा एकै दिनमा भएको थियो जुन अहिलेसम्मकै जून महिनामा सर्वाधिक वर्षा भएको रेकर्ड थियो जुन हिजो तोड़िएको छ। हिजो अजमेरमा (१८ जूनको बिहान ८:३० बजेदेखि १९ जूनको बिहान ८:३० बजेसम्म) २४ घण्टाको अवधिमा १३१.८ मिलीमीटर वर्षा भयो। यसरी नै जोधपुरमा १२ वर्षको रेकर्ड तोड़िएको छ। यहाँ गए १७ जूनमा ९१.३ मिलीमीटर पानी पऱ्यो भने यसपूर्व २८ जून, २०१६ मा लगभग ७४ मिलीमीटर वर्षा भएको थियो। -हिस