काेलकत्ता: ईष्ट बेंगलले एडमुण्ड लालरिन्दिकाको यादगार ह्याट्रिकको सहायताले प्रतिष्ठित डूरण्ड कप फूटबल टुर्नामेण्टको १३५औं संस्करणमा च्याम्पियन बन्ने गौरव हासिल गऱ्यो। आइतवार काेलकत्ताको सल्ट लेक स्टेडियममा खेलिएको फाइनलमा ईष्ट बेंगलले चीरप्रतिद्वन्द्वी मोहन बगानलाई ४-१-ले पराजित गऱ्यो। यसको साथै ईष्ट बेंगलले २२ सालपछि एशियाको सबैभन्दा पुरानो फूटबल टुर्नामेण्टमा च्याम्पियनको पगढ़ी गुँथ्यो। यसरी ईष्ट बेंगलले टुर्नामेण्टको इतिहासमा सबैभन्दा सफल टोलीहरूमा मोहन बगानको बराबरी गऱ्यो। काेलकत्ताको यी दुई क्लबले सर्वाधिक १७-१७ पल्ट खिताब जितेको छ। म्याचमा ईष्ट बेंगलले शुरुमै बढ़त हासिल गऱ्यो। बिपिन सिंहले दशौं मिनटमा टोलीको निम्ति गोलको खाता खोले। मोहन बगानले स्थिति सम्हाल्न अघि नै एडमुण्ड लालरिन्दिकाले एकपछि अर्को लगातार ३ गोलको साथ आफ्नो ह्याट्रिक पूरा गरे। उनले म्याचको १२औं, २२औं र ४४औं मिनटमा गोल गरे। यसरी मोहन बगानको तर्फबाट मानवीर सिंहले ३३औं मिनटमा गोल गरे। यसरी फाइनलमा चारैवटा गोल पहिलो हाफको खेलमा दर्ता गरियो। उल्लेखनीय छ, ईष्ट बेंगलले अन्तिमपल्ट भाइचुङ भूटियाको अगुवाईमा २०४-मा डूरण्ड कप जितेको थियो। त्यस समय पनि टोलीले मोहन बगानलाई नै फाइनलमा २-१-ले पराजित गरी ट्रफी जितेको थियो। यसरी मोहन बगानले पनि अन्तिमपल्ट २०२३-मा ईष्ट बेंगललाई नै १-० ले पराजित गरी खिताब जितेको थियो। डूरण्ड कप विजेता ईष्ट बेंगललाई १.२१ करोड़ रुपियाँ अनि उपविजेता मोहन बगानलाई ६० लाख रुपियाँको नगद पुरस्कार प्राप्त भयो।