डलास: दिग्गज फरवर्ड लियोनल मेस्सीको अझ एउटा चमत्कारी प्रदर्शनको सहायताले अर्जेण्टिनाले अझ एउटा जीतको साथ फिफा वर्ल्ड कप २०२६-को नक्आउट राउण्डमा प्रवेश गऱ्यो। डलास स्टेडियममा सोमवार राति खेलिएको ग्रुप जे-को म्याचमा अर्जेण्टिनाले अष्ट्रियालाई २-०-ले पराजित गऱ्यो। वर्तमान च्याम्पियन टीमको यस जीतमा मेस्सी फेरि एकपल्ट नायक रहे, जसले दुवै गोल गरी टीमलाई जीत दिलाउनको साथै वर्ल्ड कपको इतिहासमा नयाँ रेकर्ड पनि बनाए। अल्जेरियाविरुद्ध पहिलो म्याचमा ह्याट्रिक गर्ने ३८ वर्षीय मेस्सीलाई अष्ट्रियाविरुद्ध पनि फर्ममा देखियो। उनले नवौं मिनटमा पेनल्टीबाट गोल गर्ने मौका गुमाए पनि चाँड़ै त्यसको क्षतिपूर्ति गरे। उनले ३८औं मिनटमा गोल गरी अर्जेण्टिनालाई बढ़त दिलाए। थियागो अल्माडाको असाधारण डमी मूभ र फाकुण्डो मेडिनाको सटीक पासमा मेस्सीले गोल गर्नमा कुनै गल्ती गरेनन्। त्यसपछि मेस्सीले फेरि दोस्रो हाफको इञ्ज्युरी टाइमको पाँचौं मिनटमा असाधारण दक्षताको साथ दोस्रो गोल गरी अर्जेण्टिनाको जीत सुनिश्चित गरे। अष्ट्रियाविरुद्ध २ गोलको साथ मेस्सी फिफा वर्ल्ड कपको इतिहासमा सर्वाधिक गोल स्कोरर बने। मेस्सीले अहिलेसम्म वर्ल्ड कपमा १८ गोल गरिसकेका छन्। यसअघि यो रेकर्ड जर्मनीका मिलोस्लाव क्लोसको नाममा रहेको थियो, जसले १६ गोल गरेका थिए। मेस्सीले अल्जेरियाविरुद्ध ह्याट्रिकको साथ क्लोसको रेकर्डको बराबरी गरेका थिए। यसपाली अझ २ गोलको साथ उनले नयाँ रेकर्ड बनाए। वर्तमान खेलाड़ीहरूमा मेस्सीको नजिकमा कीलियन एम्बाप्पे रहेका छन्, जसले १४ गोल गरिसकेका छन्। यसरी अष्ट्रियाविरुद्ध जीत मेस्सीको वर्ल्ड कप करियरको १७औं जीत हो। यसको साथै उनले क्लोसकै वर्ल्ड कपमा सर्वाधिक म्याच जित्ने रेकर्डको पनि बराबरी गरे। मेस्सीले अष्ट्रियाविरुद्ध गोल गरी लगातार छैटौं वर्ल्ड कप म्याचमा गोल गर्ने रेकर्ड पनि बनाए। यस मामिलामा उनले फ्रान्सका जस्ट फोण्टेन (१९५८) र ब्राजीलका जेरजिन्हो (१९७०)-को रेकर्डको बराबरी गरे। वर्ल्ड कपको इतिहासमा अहिलेसम्म केवल यी ३ जना खेलाड़ीले लगातार ६ वटा म्याचमा गोल गरेका छन्। अब मेस्सीले जोर्डनविरुद्ध पनि गोल गरे उनी वर्ल्ड कपको इतिहासमा लगातार ७ वटा म्याचमा गोल गर्ने एकमात्र फूटबलर बन्नेछन्।
अष्ट्रियाले म्याच हारे पनि लड़ाकू प्रदर्शन गऱ्यो। कप्तान डेविड अलाबाले धेरै महत्त्वपूर्ण रक्षात्मक हस्तक्षेप गगरे जबकि मार्सेल साबित्जरले आफ्नो १००औं अन्तर्राष्ट्रिय म्याचमा शक्तिशाली फ्री-किकद्वारा अर्जेण्टिनालाई चुनौती दिए। लगातार प्रयास गरे पनि राल्फ रांगनिकको टीम अर्जेण्टिनाको मजबूत रक्षापंक्तिलाई पार गर्न चाहिँ असफल रह्यो। यसरी अर्जेण्टिनाका निकोलस गोञ्जालेज पनि गोलको नजिक पुगेका थिए तर अन्तमा गएर म्याचको फसेला मेस्सीको चमत्कारी प्रदर्शनले गऱ्यो। मेस्सीको ३९औं जन्मदिन २४ जूनमा रहेको छ अनि त्यसअघि उनले आफ्नो करियरमा अझ एउटा ऐतिहासिक अध्याय जोड़े। वर्ल्ड कपमा सर्वाधिक गोल स्कोरर बन्नको साथै उनी गोल्डन बूटको रेसमा पनि शीर्ष स्थानमा कायम छन्। अष्ट्रियाविरुद्ध जीतको साथ अर्जेण्टिना २ वटा म्याचमा ६ अंकको साथ एउटा म्याच बाँकी रहँदै ग्रुपको शीर्ष स्थानमा रहेर नक्आउट राउण्डमा पुग्यो। यस ग्रुपमा अष्ट्रिया र अल्जेरियासँग ३-३ अंक रहेकको छ तर गोल अन्तरको आधारमा यूरोपेली देश दोस्रो स्थानमा रहेको छ।