मुम्बई: राजधानी मुम्बईको अँधेरी पूर्वस्थित चकाला क्षेत्रमा पहाड़को एक भाग धस्किएर रामबाग सोसाइटीका पाँचवटा घरहरू पुरिएका छन्। तर यस घटनामा जनहानि भने भएन। घटनाको सूचना पाउनसाथ फायर ब्रिगेडका जवानहरू घटनास्लथमा पुगेर राहत कार्यमा जुटेका छन्। बृहन्मुम्बई नगर निगम (बीएमसी)-को टीमले रामबाग सोसाइटीका १६५ घरहरूलाई खाली गराउन शुरू गरेको छ भने यहाँका मानिसहरूलाई चकालाको सुरक्षित स्थलमा स्थानान्तरण गरिँदैछ।

बीएमसीका अधिकारीहरूले बताए, चकालाको रामबाग सोसाइटी लगभग २५ वर्षअघि निर्माण गरिएको थियो। सोसाइटीको नजिकै चकाला पहाड़ अवस्थित छ। बीएमसीद्वारा यस सोसाइटीका मानिसहरूलाई वर्षायाम शुरू हुनअघि नै सुरक्षित स्थानमा जाने चेतावनी दिइएको थियो, तर सोसाइटीका मानिसहरू आफ्नो ज्यानलाई जोखिममा राखेर यहाँ बस्दै आएका थिए। यसबीच गए सोमवार अबेर राति लगभग २ बजे पहाड़को एउटा भाग धस्किएर रामबाग सोसाइटीका पाँच घरलाई पुऱ्यो। तर यस घटनामा कोही पनि घाइते भएनन्। घटनास्थलबाट मानिसहरूलाई सुरक्षित स्थानमा स्थानान्तरण गराइँदैछ। साथै बचाउ कार्य पनि भइरहेको छ। -हिस