गान्तोक: मुख्यमन्त्री प्रेम सिंह तामाङले आज आफ्नो आधिकारिक निवासमा बिहार विधान परिषद्का सदस्य तथा सिक्किमका लागि भारतीय जनता पार्टीका प्रभारी दिलिप कुमार जयसवालसँग भेटवार्ता गरे।
उक्त भेटका क्रममा सिक्किमको प्रगति, विकास र भविष्यसँग सम्बन्धित महत्वपूर्ण विषयहरूमा अर्थपूर्ण छलफल भएको जनाइयो। दुवै नेताबीच चलिरहेका कार्यक्रमहरूलाई अझ सुदृढ बनाउने र राज्यको समग्र विकास तथा जनकल्याणलाई तीव्रता दिन नयाँ सम्भावनाहरूको खोजी गर्ने विषयमा विचार आदानप्रदान भयो।
मुख्यमन्त्री तामाङले यस भेटलाई सौहार्दपूर्ण, रोचक तथा फलदायी रहेको उल्लेख गर्दै डा. जैसवालप्रति सिक्किम भ्रमण तथा उपयोगी छलफलका लागि समय निकालेकोमा आभार व्यक्त गरे।