कोलकाता: ईडीले झारखण्डका पूर्व मुख्यमन्त्री हेमन्त सोरेनलाई जमिन घोटाला मामिलामा पक्राउ गरेको एक दिनपछि पश्चिम बंगालकी मुख्यमन्त्री ममता ब्यानर्जीले बिहीबार केन्द्र र भाजपाको कडा आलोचना गरिन्। उनले भाजपाले आउँदो लोकसभा चुनाव जित्नका लागि सबै विपक्षी नेताहरूलाई जेलमा हालेको आरोप लगाएकी छन्। नादिया जिल्लाको शान्तिपुरमा एक प्रशासनिक बैठकमा मुख्यमन्त्री ममता ब्यानर्जीले झारखण्ड मुक्ति मोर्चा (जेएमएम) नेता हेमन्त सोरेनलाई पक्राउ गर्नुको पछाडि ठूलो षड्यन्त्र रहेको बताइन्। भाजपाले अनुसन्धान एजेन्सीहरूको दुरुपयोग गरेको आरोप लगाउँदै उनले भनिन्, ‘विपक्षी नेताहरूलाई ईडी-सीबीआईको नाममा धम्की दिइन्छl’ मुख्यमन्त्रीले आफू पनि जेलमा परेमा प्वाल बनाएर बाहिर आउने बताइन्।

मुख्यमन्त्री ममता ब्यानर्जीले भनिन्, ‘भाजपाले जे गरे पनि गरोस् दिल्लीमा सरकार हामी नै बनाउने छौं। २०२४ को लोकसभा चुनावमा जनताले भाजपालाई सखाप पार्नेछन्l’ उल्लेखनीय छ, ईडीले जमिन घोटाला मामिलामा सात घण्टा भन्दा बढी सोधपुछ पछि झारखण्डका निवर्तमान मुख्यमन्त्री हेमन्त सोरेनलाई बुधवार साँझ पक्राउ गर्‍यो। यस क्रममा मुख्यमन्त्री ममता ब्यानर्जीले आफ्नो पार्टीले आउँदो लोकसभा चुनावमा बंगालका सबै सिटमा एक्लै चुनाव लड्ने बताइन्। उनले भनिन्, ‘हाम्रो पार्टी लोकसभा चुनावमा कांग्रेससँग गठबन्धन गर्न उत्साहित थियो, तर उनीहरुले हाम्रो प्रस्तावलाई अस्वीकार गरेl’ कांग्रेसले चुनावमा भाजपालाई सहयोग गर्न सीपीआई (एम)सँग हात मिलाएको आरोप लगाए। मुख्यमन्त्री ममता ब्यानर्जीले फेरि एक पटक आफ्नो पार्टीका पूर्व सांसद महुआ मोइत्रालाई समर्थन जनाइन्l