नयाँ दिल्ली: पेरिस ओलम्पिकमा हिस्सा लिने महिला भारोत्तोलक (वेट लिफ्टर) मीराबाई चानू र हकी खेलाड़ी नीलकान्त शर्मालाई बिहीवार मणिपुर पुलिसले सम्मानित गऱ्यो। पुलिस महानिदेशक राजीव सिंहले यहाँ एउटा समारोहमा मीराबाई र नीलकान्तलाई सम्मानित गरे। नीलकान्त पेरिस ओलम्पिकमा काँस्य पदक जित्ने भारतीय पुरुष हकी टीमका सदस्य रहेका थिए। मणिपुर पुलिसद्वारा जारी बयानमा भनिएको छ, मणिपुर पुलिसलाई मीराबाई चानू र नीलकान्त शर्माको उपलब्धिहरू र राष्ट्रप्रति योगदानमा गर्व छ अनि उनीहरूका भविष्यका प्रयासहरूमा हरसम्भव प्रोत्साहन र समर्थनको आश्वासन दिँदछ। मीराबाई राज्य पुलिसमा अतिरिक्त अधीक्षक पदमा रहेकी छन् जबकि नीलकान्त भारतीय रेलवे नोकरी गर्छन्। टोक्यो ओलम्पिकमा रजत पदक जित्ने भारोत्तोलक मीराबाई पेरिस ओलम्पिकको ४९ किग्रा भार वर्गमा चौथो स्थानमा रहेर पदक जित्नदेखि चुकेकी थिइन्। मीराबाईले स्न्याचमा ८८ र क्लीन एण्ड जर्कमा १११ किग्रा सहित जम्मा १९९ किग्रा ओजन उठाएकी थिइन्। उनी केवल एक किलोग्रामले गर्दा पदक जित्नदेखि चुकेकी थिइन्। मीराबाई हालै चोटमुक्त भएर पेरिस गएकी थिइन्।