गेजिङः कृषि, बागवानी तथा पशुपालन एवं पशुचिकित्सा सेवा विभाग मन्त्री लोकनाथ शर्माले शुक्रवार बिहान देन्तामस्थित सिक्किम डेयरी प्रोडक्ट्स प्रा.लि. को निरीक्षण भ्रमण गरे। यस अवधि मन्त्री शर्माको अध्यक्षतामा सम्बन्धित अधिकारीहरू र कारखानाका कर्मचारीहरूको उपस्थितमा एक बैठक आयोजन गरियो ।
बैठकमा मन्त्री शर्माले बैठक आयोजन गर्नुको उद्देश्यमाथि प्रकाश पार्दै मुख्यमन्त्री प्रेमसिंह तामाङ सुविधा पुनर्जीवित गर्न इच्छुक रहेको अवगत गराए । उनले कारखानालाई पुनर्जीवित गर्ने प्रक्रिया अन्तिम चरणमा रहेको छ भन्दै सबै सम्बन्धितहरूबाट संयुक्त प्रयासको आवश्यकतामाथि बल दिए।
कारखानाका कर्मचारीहरूको विषयमा बोल्दै मन्त्री शर्माले आगामी 1 फरवरीदेखि कर्मचारीहरूको सिक्किम मिल्क युनियनमा नियुक्ति शुरू गरिने बताए । उनले आफ्नो सम्बोधनमा केन्द्र अनि राज्य सरकारका विभिन्न योजनाहरू र कार्यक्रमहरूमाथि प्रकाश पारे। उनले केन्द्र अनि राज्य सरकारका योजनाहरू कार्यान्वयन गर्न पञ्चायत र जिल्ला पञ्चायतहरूको भूमिका महत्वपूर्ण रहेको बताए।
उनले कारखानाको निरीक्षण गर्दै कारखाना अस्थायी रूपमा सञ्चालन गर्नका लागि अनुमान तयार गर्न निर्देश दिए । यस अतिरिक्त, उनले कारखाना पुनर्जीवित गर्ने कार्यलाई द्रुत गतिमा अगाडि बढाउन सुझाउ दिए।
About Author
