कोलकाताः पश्चिम बंगालको हुगली जिल्ला अन्तर्गत पोलबा थाना क्षेत्रको एक मदिरा कारखानामा मंगलवार बिहान इनकम ट्याक्स (आईटी) का अधिकारीहरूले छापा मारेका छन्। आयकर विभागका एक अधिकारी अनुसार, पाँच गाड़ीमा लगभग २० अधिकारीको टीम छापा मार्न पुगेको छ। यहाँ अल्पाइन डिस्टलरीज प्राइवेट लिमिटेड नाम गरेको मदिरा कारखानामा बिहान गरिएको छापामारीमा सुरक्षाको निम्ति केन्द्रिय अर्धसैनिक बलहरूका जवानहरूलाई साथमा लिएको आएको छ। स्थानीय पुलिसको साथ मिलेर केन्द्रिय बलहरूका जवानहरूले यहाँ सुरक्षा सुनिश्चित गरेका छन्। कसैलाई भित्रदेखि बाहिर आउने अनुमति दिइएको छैन न त कसैलाई बाहिरदेखि भित्र जाने अनुमति छ। यो कारखाना पोलबा थाना अन्तर्गत मेहनाद गाउँमा छ। यसको मालिकको नाम देवराज मुखर्जी हो।

जाँच प्रक्रियाको निगरानी गरिरहेको आय़कर विभागका एक वरिष्ठ अधिकारीले भने, यस कारखानाको अधिंकाश शेयर दिल्लीको एक संस्थाको नाममा छ। यहाँ एक विशेष ब्रान्डको रम बनाइन्छ। यस बाहेक मदिरा बनाउनका लागि प्रयोग हुने रा मटेरियल एथेनलको प्रोडक्शन पनि यहाँ हुन्छ। यहाँ लगभग ३०० श्रमिकले काम गर्छन्, जसमा महिलाहरू पनि सामेल छन्। एक श्रमिकले भन्यो, बिहान ८ बजीदेखि साँझ ६ बजीसम्म हाम्रो ड्यूटी रहन्छ तर आज बिहान जस्तै हामी आयौं केन्द्रिय बलका जवानहरूले भित्र जानदेखि रोके। उनीहरूले भित्र पस्ने अनुमति छैन भने। यसैले हामी भित्र गएनौं।

आईटी सूत्रहरू अनुसार, देवराज मुखर्जीको सत्तारूढ़ पार्टी तृणमूलसित सम्पर्क छ र व्यापक स्तरमा फन्ड ट्रान्सफरको निम्ति पनि यस कम्पनीको प्रयोग गरिएको छ। यहाँ ज्ञात आय़भन्दा अधिक सम्पत्तिको जानकारी पाएपछि छापा मारिएको छ। धेरै दस्तावेजहरू जफत गरी कम्पनीका अधिकारीहरूसित सोधपुछ भइऱहेछ।

-हिस