नयाँ दिल्ली: बीसीसीआई-ले हालै अफगानिस्तानविरुद्ध भारतको टेस्ट अनि वनडे टीमको घोषणा गऱ्यो तर युवा ओपनर यशस्वी जयसवालले वनडे टीममा स्थान पाउन सकेनन्। यतिमात्र नभएर उनलाई श्रीलंकामा हुने ट्राई सीरीजको निम्ति पनि इण्डिया ए टीममा चयन गरिएन। यस फसेलामाथि पूर्व मुख्य चयनकर्ता एमएसके प्रसादले निराशा व्यक्त गरेका छन्। उनको भनाइअनुसार, जयसवाल जस्ता प्रतिभाशाली ब्याटरलाई कुनै पनि प्रारूपबाट बाहिर राख्न सकिँदैन। प्रसादले भने, यशस्वी जयसवाललाई कम्तीमा इण्डिया ए टीममा चयन गरिनु पर्थ्यो। रोहित शर्मा र शुभमन गिलको उपस्थितिले गर्दा उनले वनडे टीममा अधिक मौका नपाउन सक्छन् तर श्रीलंकामा हुने ट्राई सीरीजको निम्ति त पठाउन सकिन्थ्यो। प्रसादले जयसवाललाई प्रतिभाशाली खेलाड़ी बताउँदै यस्ता फसेलाहरूले निराश नहुने परामर्श दिएका छन्। उनले भने, उनी जस्ता असल खेलाड़ीलाई कुनै पनि प्रारूपबाट बाहिर राख्न सकिँदैन। बोर्डको यस्तो फसेलाले उनी निराश हुनु हुँदैन। उनी मजबूत खेलाड़ी हुन् अनि यसले उनी अझ असल बन्नेछन्। प्रसादले आफ्नो कार्यकालको उदाहरण दिँदै क्रिकेटमा धेरैपल्ट असाधारण प्रदर्शनपछि पनि खेलाड़ीहरूले प्रतीक्षा गर्नु पर्ने बताए। उनले भने, म चयन समितिको अध्यक्ष हुँदा पनि घरेलु क्रिकेटमा असाधारण प्रदर्शन गर्ने श्रेयस अय्यरको निम्ति स्थान बनाउन सफल भएका थिएनौं। क्रिकेटमा यस्तो भइरहन्छ। उल्लेखनीय छ, राजस्थान रोयल्सका ओपनरले आईपीएल २०२६-मा पनि असल प्रदर्शन गरेका छन्। उनले १३ वटा म्याचमा १५९.४८-को स्ट्राईक रेटले ३७० रन बनाएका छन्। यसमा ३ वटा अर्द्धशतक सामेल छ। वनडेमा दक्षिण अफ्रिकाविरुद्ध आफ्नो गत ईनिंग्समा शतक बनाएर पनि जयसवालले टीममा स्थान नपाउँदा उनका प्रशंसकहरू पनि अचम्भित छन्। सोशल मीडियामा धेरैपल्ट क्रिकेटप्रेमी र पूर्व खेलाड़ीहरूले चयनकर्ताहरूका फसेलामाथि प्रश्न उठाएका छन्।