मुम्बई: टेस्ट टीमका स्टार ओपनर यशस्वी जयसवालले भारतीय वनडे टीममा पनि स्थान पाएका छन्। भारत र अफगानिस्तानबीच अहिले मुल्लांपुरमा एकमात्र टेस्ट म्याच खेलिँदैछ। त्यसपछि यी दुई टीमबीच ३ वटा वनडे म्याचको सीरीज खेलिनेछ। जयसवालले भारतीय वनडे टीममा स्टार ब्याटर विराट कोहलीको स्थान लिनेछन्, जो ह्याम्स्ट्रिंगको चोटले गर्दा पूरा सीरीजबाट बाहिर भएका छन्। भारतीय क्रिकेट कण्ट्रोल बोर्ड (बीसीसीआई)-ले अफगानिस्तानविरुद्ध वनडे सीरीजको निम्ति अगावै टीमको घोषणा गरेको थियो। आज बीसीसीआई सचिव देवजीत सैकियाले भारतीय वनडे टीममा कोहलीको स्थानमा जयसवाललाई सामेल गरिएको घोषणा गरे। आईपीएल २०२६ सकिएपछि कोहलीलाई चोटले सताउँदा जयसवालले मौका पाएका छन्। भारत र अफगानिस्तानबीच वनडे सीरीजको पहिलो म्याच १३ जूनमा धर्मशालामा खेलिनेछ। त्यसपछि रहल दुईवटा म्याच लखनऊ र चेन्नईमा क्रमशः १७ र २० जूनमा खेलिनेछ। जयसवालले अहिलेसम्म भारतको निम्ति ४ वटा वनडे म्याच खेलेका छन्। यसमा उनले ५७.००-को औसतले एउटा शतकको साथ १७१ रन बनाएका छन्।