नयाँ दिल्ली: केन्द्रीय खेल मन्त्री मनसुख माण्डवियाले सोमवार २०२७-मा भारतमा फर्मूला वन् रेस फर्किने बताए। माण्डवियाले मीडियासँग अनौपकारिक बातबीचमा ग्रेटर नोएडामा बुद्ध इण्टरनेशनल सर्किटमा यस रेसको आयोजनको निम्ति कम्तीमा ३ वटा कम्तीमा रूची देखाएको जानकारी दिए। उनले भने, भारतमा २०२७-मा फर्मूला वन् रेस हुनेछ। पहिलो रेस बुद्ध इण्टरनेशनल सर्किटमा आयोजित गरिनेछ। भारतले यसअघि पनि फर्मूला वन् रेस इण्डिया ग्रां.प्री. आयोजन गरेको थियो तर कर अनि नौकरशाही सम्बन्धी समस्याहरूले गर्दा २०१३-मा तेस्रो संस्करणपछि यसलाई फर्मूला वन् क्यालेण्डरबाट हटाइएको थियो। लिबर्टी मीडियाको स्वामित्वमा रहने फर्मूला वन्-ले चाहिँ भारतमा फर्किने विषयमा अहिलेसम्म कुनै टिप्पणी गरेको छैन। २०१७-मा लिबर्टी मीडियाद्वारा अधिग्रहण गरिएपछि यस खेलको लोकप्रियतामा असाधारण बढ़ोत्तरी भएको छ। यसमा अगावै रेकर्ड २४ वटा रेसको क्यालेण्डर रहेको छ। यसबीच पश्चिम एशिया संघर्षले गर्दा यस महिना सऊदी अरब र बहरीनमा हुने दुईवटा रेस चाहिँ रद्द गरिएको छ।