९० किमी/घण्टाको गतिमा हावा चल्ने, मौसम विभागद्वारा सतर्कता अपनाउन अपील

​नयाँ दिल्ली: भारतमा मनसुनको तीव्र प्रभावसँगै भारतीय मौसम विज्ञान विभागले देशका २७ राज्यमा मूसलधारे वर्षा र भीषण हुरीबतासको चेतावनी जारी गरेको छ। उत्तर-पश्चिमी उत्तर प्रदेश तथा उत्तर-पूर्वी असमको माथिल्लो वायुमण्डलमा चक्रवातीय परिसञ्चरण प्रणाली विकसित भएकाले अगस्ट २१ मा ८५ देखि ९० किलोमिटर प्रतिघण्टाको गतिमा तेज हावा चल्ने अनुमान गरिएको छ।
​यस भीषण हावाहुरीका कारण बालीनालीमा क्षति पुग्ने, घने जंगल भएका क्षेत्रमा ठुला रुखहरू ढल्ने र पहाडी इलाकामा पहिरो जाने जोखिम बढेको छ। पूर्वी भारतका क्षेत्रहरूमा चट्याङको उच्च जोखिम रहेकाले तटीय क्षेत्रका माछामार्नेहरूलाई सुरक्षित स्थानमा रहन आग्रह गरिएको छ। राजधानी दिल्लीमा ५० देखि ६० किमी प्रतिघण्टाको हावासहित भारी वर्षा हुने सम्भावना छ, जहाँ अधिकतम तापमान ३५ डिग्री र न्यूनतम २८ डिग्री सेल्सियस रहनेछ। त्यसैगरी उत्तर प्रदेशका मेरठ, आगरा, प्रयागराज, लखनऊ तथा बिहारका पटना, गया, भागलपुर लगायतका जिल्लाहरूमा तीव्र हावासहित भारी वर्षाको अलर्ट जारी गरिएको छ। पश्चिम बङ्गालका कोलकाता, दार्जिलिङ, जलपाईगुडी र कालिम्पोङ क्षेत्रमा पनि ५० देखि ६० किमी प्रतिघण्टाको गतिमा हावा चल्ने र वर्षा हुने मौसम विभागले जनाएको छ।