म्याके (अष्ट्रेलिया): अष्ट्रेलियाले म्याकेको ग्रेट बेरियर रीफ एरेनामा खेलिएको दोस्रो क्रिकेट टेस्ट म्याचमा बंग्लादेशलाई २ दिन भित्रै ईनिंग्स र ५१ रनले पराजित गऱ्यो। यस जीतको साथ अष्ट्रेलियाले २ वटा टेस्ट म्याचको सीरीज १-१-ले बराबर गऱ्यो। डार्विनमा खेलिएको सीरीजको पहिलो टेस्ट म्याचमा बंग्लादेशले ९ विकेटले ऐतिहासिक जीत हासिल गरेको थियो तर दोस्रो टेस्टमा प्याट कमिन्सको कप्तानीमा रहने टोलीले एकतर्फी जीतको साथ हिसाब बराबर गऱ्यो। यो अष्ट्रेलियामा खेलिएको दोस्रो सबैभन्दा छोटो टेस्ट म्याच हो, जसको फसेला २ दिन भित्रै भयो। यसरी समग्रमा यो टेस्ट क्रिकेट इतिहासको चौथो सबैभन्दा छोटो टेस्ट म्याच हो। म्याचमा अष्ट्रेलियाई पेस बलर स्टार्कले १० विकेट लिएर बंग्लादेशको सातो खाए। यसरी बंग्लादेशको दोस्रो ईनिंग्स पनि आइतवार दोस्रो दिनको खेलको दोस्रो सत्रमा ९५ रनमा समाप्त हुँदा अष्ट्रेलियाले सजिलै जीत हासिल गऱ्यो। बंग्लादेश टेस्ट क्रिकेटको इतिहासमा पहिलोपल्ट कुुनै एउटै टेस्ट म्याचको दुवै ईनिंग्समा १०० रन बनाउनदेखि चुक्यो।
टस हारेर पहिला ब्याटिंग गर्दै शनिवार बंग्लादेशको पहिलो ईनिंग्स केवल ६४ रनमा समाप्त भएको थियो। त्यसपछि अष्ट्रेलियाले २१० रन बनाएर पहिलो ईनिंग्सको आधारमा १४६ रनको बढ़त हासिल गरेको थियो। आज बंग्लादेशको दोस्रो ईनिंग्स केवल ९५ रनमा समेटेर अष्ट्रेलियाले जीत हासिल गऱ्यो। दुवै टेस्टमा असाधारण बलिंग गर्दै मिचेल स्टार्कलाई प्लेयर अफ द म्याच र प्लेयर अफ द सीरीज चयन गरियो।
आइतवार म्याचको दोस्रो दिन अष्ट्रेलियाले शनिवारको स्कोर ८ विकेटमा १६५ रनदेखि अघि खेल्न शुरु गऱ्यो। अष्ट्रेलियाले आज आफ्नो पहिलो ईनिंग्सको स्कोरमा ४५ रन जोड़ेर रहल २ विकेट गुमायो। यसमा क्यामरन ग्रीनले ६७ रन बनाए। उनले १०५ बलको सामना गरी १० वटा चौका लगाए। यसरी जोश हेजलवुड ६ रन बनाएर आउट भए। न्याथन लायन ३२ रनमा अविजित रहे। उनले ६२ बलको सामना गरी ४ वटा चौका र एउटा छक्का लगाए। बंग्लादेशका बलरहरूमा शोरिफुल इस्लामले सर्वाधिक ७ विकेट लिए। पहिलो ईनिंग्सको आधारमा १४६ रनले पछि रहने बंग्लादेशको दोस्रो ईनिंग्समा पनि शुरुवात भयावह रह्यो अनि २४ रनमै ३ विकेटको पतन भइसकेको थियो। बंग्लादेशको शीर्ष क्रमलाई फेरि एकपल्ट स्टार्कले धक्का दिए। लगातार विकेटको पतनबीच कप्तान नाजमुल होसेन शान्तो र मुश्फिकुर रहीमले सक्दो प्रयास गरे पनि कुनै फाइदा भएन। शान्तोले सर्वाधिक ३१ रन बनाए जबकि मुश्फिकुर २९ रनमा अविजित रहे। बंग्लादेशको तल्लो क्रमलाई कमिन्स र स्पिनर न्याथन लायनले मिलेर समेटे। बंग्लादेशको दोस्रो ईनिंग्समा स्टार्कले सर्वाधिक ४ विकेट लिए। यसबाहेक कमिन्स र लायनको झोलीमा ३-३ विकेट रह्यो।