ढाका: अष्ट्रेलियाविरुद्ध २ वटा टेस्ट म्याचको सीरीज अघि बंग्लादेशलाई ठूलो झट्का लागेको छ। टोलीका प्रमुख पेस बलर नाहिद राणा चोटले (साइड स्ट्रेन) गर्दा पूरा सीरीजबाट बाहिर भएका छन्। बंग्लादेश क्रिकेट बोर्ड (बीसीबी)-ले राणाको चोट र उनी अष्ट्रेलियाविरुद्ध टेस्ट सीरीजबाट बाहिर भएको पुष्टि गऱ्यो। तेईस वर्षीय यस खेलाड़ीलाई १७ जुलाईमा जिम्बाब्वेविरुद्ध खेलिएको दोस्रो टी२० म्याचको अवधि ग्रेड २ स्ट्रेन चोट लागेको थियो। पछिबाट मेडिकल स्क्यानपछि चोटको गम्भीरता थाहा लाग्यो। बीसीबी-ले बताएअनुसार, राणाको चोट निको हुन ६-देखि ८ हप्ता समय लाग्न सक्छ। यसैकारण उनलाई टेस्ट सीरीजबाट बाहिर गरिएको छ। यसबीच देब्रे हातका पेस बलर शोरीफुल इस्लामको ग्रेड १ ह्यामस्ट्रिंगको चोट चाहिँ निको भइसकेको छ। उनलाई पनि जिम्बाब्वे यात्रामा चोट लागेको थियो। शोरीफुलले २९ जुलाईदेखि फेरि बलिंग शुरु गर्ने सम्भावना रहेको बीसीबी-ले जानकारी दिएको छ। त्यसपछि १२ अगस्तमा उनको फिटनेस जाँच गरिने सम्भावना छ। चोट निको भए पनि उनले डार्विनमा खेलिने पहिलो टेस्ट म्याचमा हिस्सा लिन सक्ने सम्भावना कम्ती नै रहेको छ अनि मेडिकल क्लीयरेन्स हासिल भए उनले दोस्रो टेस्ट म्याच चाहिँ खेल्न सक्नेछन्। बंग्लादेशका विकेटकीपर ब्याटर लिटन दास पनि चोटसँग जुझिरहेका छन्। उनले २८ जुलाईदेखि रनिंग र कण्डीशनिंग ड्रिल शुरु गर्न सक्छन्। रिकवरी असल रहे उनी दोस्रो टेस्ट म्याचको निम्ति उपलब्ध रहन सक्छन्। बंग्लादेश र अष्ट्रेलियाबीच पहिलो टेस्ट म्याच १२ अगस्तदेखि अनि दोस्रो टेस्ट म्याच २२ अगस्तदेखि शुरु हुनेछ। अष्ट्रेलिया यात्रामा खेलिने यी २ वटा टेस्ट म्याचमा बंग्लादेशको सफलता धेरै हदसम्म पेस बलरहरूका लयमाथि निर्भर गर्नेछ।