पेरिस: पोल्याण्डकी २४ वर्षीय टेनिस खेलाड़ी माजा च्वालिन्स्काले फ्रेञ्च ओपन टेनिस टुर्नामेण्ट २०२६-मा असाधारण प्रदर्शन गर्दै इतिहास रचिन्। उनले महिला एकलको सेमिफाइनलमा रुसकी डायना श्नाइडरलाई सीधा सेटमा ७-६ (४), ६-४-ले पराजित गरी पहिलोपल्ट ग्राण्ड स्ल्याम फाइनलमा स्थान बनाइन्। यसको साथै उनी रोलाँ ग्यारोको इतिहासमा महिला एकलको फाइनलमा पुग्ने पहिलो क्वालीफायर खेलाड़ी बनिन्। विश्व ऱ्याङकिंगमा ११४औं स्थानमा रहने च्वालिन्स्काले यस टुर्नामेण्टमा लगातार ९ वटा म्याच जितेकी छन्। यसमा ३ वटा क्वालीफाईंग चरण र ६ वटा मुख्य ड्र-को म्याच सामेल छ। यसको साथ उनी ओपन एरामा कुनै ग्राण्ड स्ल्याम फाइनलमा पुग्ने केवल दोस्रो क्वालीफायर खेलाड़ी बनेकी छन्। यसअघि ब्रिटेनकी एम्मा राडुकानुले २०२१-मा यूएस ओपनमा यस उपलब्धिलाई हासिल गरेकी थिइन् अनि खिताब पनि जितेकी थिइन्। अब फाइनलमा च्वालिन्स्काको सामना रुसकी मिरा एण्ड्रीवासँग हुनेछ। १९ वर्षीय एण्ड्रीवाले अन्य एउटा सेमिफाइनलमा युक्रेनकी मार्ता कोस्तयुकलाई १ घण्टा १६ मिनटमा ६-१, ६-३-ले पराजित गरिन्। यस जीतको साथ एण्ड्रीवाले पनि पहिलोपल्ट कुनै ग्राण्ड स्ल्यामको फाइनलमा स्थान बनाइन्।