पेरिस: स्पेनका स्टार खेलाड़ी कार्लोस अल्काराजले आफ्नो असाधारण प्रदर्शनको क्रम जारी राख्दै फ्रेञ्च ओपन टेनिस टुर्नामेण्टमा लगातार दोस्रो साल सेमिफाइनलमा स्थान बनाए। उनले स्टेफानोस सिपसिपासलाई पुरुष एकलको क्वार्टर फाइनलमा सीधा सेटमा पराजित गरे। म्याचमा स्पेनिश खेलाड़ी ६-३, ७-६, ६-४-ले विजयी भए। सेमिफाइनलमा अल्काराजको भिड़न्त इटलीका खेलाड़ी यानिक सिनरसँग हुनेछ, जसले अन्य एउटा क्वार्टर फाइनलमा बुल्गेरियाका ग्रिगोर दिमित्रोवलाई सीधा सेटमा ६-२, ६-४, ७-६-ले पराजित गरे। ग्रीसका खेलाड़ी सितसिपासलाई पराजित गरेपछि अल्काराजले भने, म फ्रेञ्च ओपनमा फेरि सेमिफाइनलमा पुगेर धेरै खुशी छु। ग्राण्ड स्ल्यामको सेमिफाइनलमा खेल्नु सदा खास रहन्छ। यानिस सिनर विरुद्ध म्याच सजिलो हुनेछैन। उनी कठिन प्रतिद्वन्द्वी हुन् तर म यस चुनौतीको निम्ति तयार छु।
यसरी महिला एकलमा इटलीकी जेस्मिन पाओलिनीले चौथो वरीयता प्राप्त कजाकिस्तानकी एलेना रायबाकिनालाई ६-२, ४-६, ६-४-ले पराजित गरी सेमिफाइनलमा स्थान बनाइन्। फ्रेञ्च ओपनमा १२औं वरीयता प्राप्त पाओलिनी कुनै ग्राण्ड स्ल्यामको सेमिफाइनलमा पुगेको यो पहिलो अवसर हो। यसअघि १६ वटा ग्राण्ड स्ल्याम खेलिसकेकी इटलीकी खेलाड़ी यसअघि अधिकांश समय नै पहिलो या दोस्रो राउण्डमा बाहिर हुने गर्थिन्। उनले यस साल जनवरीमा अष्ट्रेलियन ओपनमा चाहिँ चौथो राउण्डमा स्थान बनाएकी थिइन्। सेमिफाइनलमा उनको सामना दोस्रो ऱ्याङकिंग भएकी एरिना सबालेंका या १७ वर्षकी गैर वरीयता प्राप्त मीरा आन्द्रीवासँग हुनेछ। दोस्रो सेमिफाइनलमा विश्वकी नम्बर एक खेलाड़ी इगा स्वियातेक र तेस्रो नम्बरकी खेलाड़ी कोको गौफबीच भिड़न्त हुनेछ।