फिफा ऱ्याङकिंगको शीर्ष ५-मा स्थान बनाएर इतिहास रच्यो मोरक्कोले

IMG-20261119-WA0059

जिनेवा: फिफाद्वारा जारी पुरुष फूटबलको विश्व ऱ्याङकिंगमा मोरक्कोले इतिहास रचेको छ। एटलस लायन्स-को नामले चर्चित मोरक्कोको टोलीले फिफा ऱ्याङकिंगमा पहिलोपल्ट शीर्ष ५-मा स्थान बनाएको छ। मोरक्को १८०९.३७ अंकको साथ पाँचौं स्थानमा रहेको छ। साल १९९३-मा फिफा ऱ्याङकिंगको शुरुवातपछि देशको यो अहिलेसम्मको सर्वश्रेष्ठ ऱ्याङकिंग हो। यसबीच विश्व कप विजेता स्पेन ऱ्याङकिंगको शीर्षमा कायम रहेको छ। मोरक्कोले २५ सेप्टेम्बरपछि खेलिएका म्याचहरूमा ४ वटा जितेर एउटा ड्र गरेको छ। यस असाधारण प्रदर्शनको साथ टोलीले २ स्थानको सुधार गरी पाँचौं स्थान हासिल गरेको छ। यस अवधि मोरक्कोले पोर्तुगल र ब्राजीललाई पछि छोड़्यो, जो अहिले क्रमशः छैटौं र सातौं स्थानमा रहेको छ। फिफा ऱ्याङकिंगमा स्पेनपछि अर्जेण्टिना दोस्रो, फ्रान्स तेस्रो र ईंग्ल्याण्ड चौथो स्थानमा रहेको छ। यसरी बेल्जियम आठौं, नीदरल्याण्ड्स नवौं र कोलम्बिया दशौं स्थानमा रहेको छ। कोलम्बियाले २ वटा जीत, एउटा ड्र र एउटा हारको साथ एक स्थानको सुधार गरी शीर्ष १०-मा स्थान बनाएको छ। यसरी क्यानाडाले पनि २ स्थानको सुधार गरी २५औं ऱ्याङकिंग हासिल गरेको छ, जुन उनीहरूको फूटबल इतिहासको अहिलेसम्मको सर्वश्रेष्ठ ऱ्याङकिंग हो। फिफाको ताजा ऱ्याङकिंगमा भारतलाई चाहिँ नोक्सान भएको छ। हालै साफ फूटबल च्याम्पियनशीपमा दशौंपल्ट च्याम्पियन बन्ने भारत १३८औं स्थानबाट झरेर १४१औंं स्थानमा पुगेको छ। यसरी भारतलाई ४ स्थानको नोक्सान भएको छ।

About Author

Advertisement