नयाँ दिल्ली: भारतका अभिषेक शर्माले टी२० अन्तर्राष्ट्रिय प्रारूपमा नयाँ विश्व रेकर्ड बनाएका छन्। आफ्नो विध्वंशी ब्याटिंग शैलीद्वारा विपक्षी बलरहरूका मनमा डर उत्पन्न गर्नमा खप्पिस भारतका ओपनिंग ब्याटरले आज अफगानिस्तानविरुद्ध सीरीजको तेस्रो तथा अन्तिम म्याचमा केवल ३० बलमा आफ्नो शतक पूरा गरे। यो आईसीसीको पूर्णकालिक सदस्य देशहरूमा कुनै पनि ब्याटरले बनाएको सबैभन्दा तेज टी२० अन्तर्राष्ट्रिय शतक हो। अभिषेकले आज म्याचमा केवल ३४ बलमा १०८ रनको विध्वंशी ईनिंग्स खेले। उनले ११ वटा छक्का र ९ वटा चौका लगाए। आज ३० बलमा शतकको साथ अभिषेकले जिम्बाब्वेका सिकन्दर रजा र न्यूजील्याण्डका फिन एलनको रेकर्डलाई तोड़े। यी दुईजनाले ३३-३३ बलमा शतक बनाएका थिए। रजाले २०२४-मा गाम्बियाविरुद्ध अनि एलनले २०२६-मा दक्षिण अफ्रिकाविरुद्ध रेकर्ड बनाएका थिए। समग्रमा (आईसीसीका सदस्य देशहरू सहित) सबैभन्दा तेज टी२० अन्तर्राष्ट्रिय शतकको रेकर्ड एस्टोनियाका साहिल चौहानको नाममा रहेको छ, जसले साइप्रसविरुद्ध २०२४-मा २७ बलमा शतक बनाएका थिए। यसरी तुर्कीका मुहम्मद फहादले २०२५-मा बुल्गेरियाविरुद्ध २९ बलमा शतक पूरा गरेका थिए। आज अभिषेकले टी२० अन्तर्राष्ट्रियमा सबैभन्दा तेज शतक लगाउने रोहित शर्माको भारतीय रेकर्ड पनि तोड़े। रोहितले २०१७-मा श्रीलंकाविरुद्ध ३५ बलमा शतक बनाएका थिए। आज अभिषेकको रेकर्ड शतकको सहायताले भारतले पहिला ब्याटिंग गर्दै २० ओभरमा ७ विकेट गुमाएर २२१ रनको विशाल स्कोर बनायो। ओपनर सञ्जु सेमसनले ५० रनको योगदान दिए।