चुनाव जिती आफूलाई जिम्मेवारी दिन भाइ शहबाजसँग आग्रह गर्ने

​इस्लामाबाद: पाकिस्तानका पूर्वप्रधानमन्त्री नवाज सरिफले पाकिस्तान नियन्त्रित कास्मिर (पिओके) को राजनीतिलाई लिएर ठूलो बयान दिएका छन्। आफ्नो पार्टी पाकिस्तान मुस्लिम लिग-नवाज (पीएमएल-एन) ले चुनाव जितेमा भाइ तथा पाकिस्तानका प्रधानमन्त्री शहबाज सरिफसँग आफूलाई पिओकेको प्रधानमन्त्री बनाउन आग्रह गर्ने उनले बताएका छन्।
​मुजफ्फराबादमा आयोजित चुनावी सभालाई सम्बोधन गर्दै नवाज सरिफले पिओकेको विकास निर्माणको कामलाई आफैँले प्रत्यक्ष निगरानी गर्न चाहेको उल्लेख गरे। “पिओके मेरो लागि पञ्जाबजत्तिकै महत्त्वपूर्ण छ। यो मेरो दोस्रो घर हो र मेरा पूर्वजहरू कास्मिरबाटै आएका थिए,” उनले भने।
​पिओकेमा आगामी जुलाई २७ देखि अगस्ट १० बीच चुनाव हुँदैछ। उक्त चुनावमा पीएमएल-एनको सीधा प्रतिस्पर्धा पाकिस्तान पिपुल्स पार्टी (पीपीपी) सँग हुनेछ।
​पिओकेमा महँगी, विद्युत् महसुलमा वृद्धि र सत्ता पक्षलाई दिइएको विशेषाधिकारको विरोधमा ‘जम्मु-कास्मिर जोइन्ट अवामी एक्सन कमिटी’ (जेकेजेएएसी) को नेतृत्वमा तीव्र विरोध प्रदर्शन भइरहेका बेला यो चुनावी सरगर्मी बढेको हो।