​पाक्याङ: पाक्याङ जिल्लाका विभिन्न भागमा भारी वर्षाका कारण गएको पहिरोबाट प्रभावित भएका परिवारहरूलाई अनुग्रह राहत रकम वितरण गरिएको छ। शुक्रबार जिल्लापाल परी विश्नोईले आफ्नै कार्यकक्षमा प्रभावित लाभार्थीहरूलाई १ लाख ३० हजार रुपियाँ बराबरको अनुग्रह राहत रकम हस्तान्तरण गरिन्।
​राज्य आपत्कालीन प्रतिक्रिया कोष (एसडीआरएफ) र राष्ट्रिय आपत्कालीन प्रतिक्रिया कोष (एनडीआरएफ) को नियम तथा प्रावधान अनुसार यो राहत रकम उपलब्ध गराइएको हो। प्राकृतिक प्रकोपबाट प्रभावित भएकाहरूका लागि जिल्ला प्रशासनद्वारा सञ्चालित निरन्तर राहत तथा उद्धार कार्य अन्तर्गत यो सहायता रकम वितरण गरिएको जनाइएको छ।