गान्तोक: पश्चिम बङ्गालको तमलुकमा आयोजित ५० किलोमिटर अल्ट्रा म्याराथनमा सिक्किमका युवा धावक पासाङ ओङ्ग्याल भोटियाले उत्कृष्ट प्रदर्शन गर्दै दोस्रो स्थान हासिल गरेका छन्।​आइतबार सम्पन्न कठिन प्रतिस्पर्धामा गेजिङ जिल्लास्थित सन्चामान लिम्बू सरकारी महाविद्यालयका विद्यार्थी पासाङले निर्धारित ५० किलोमिटरको दूरी ३ घण्टा ५५ मिनेटमा पूरा गरेका हुन्। यससँगै उनले ४५ वर्षमुनिको उमेर समूहमा भने प्रथम स्थान हासिल गर्न सफल भए।​आफ्नो निरन्तरको कडा परिश्रम, खेलप्रतिको समर्पण र सिक्किमका चर्चित ‘म्याराथन म्यान’ अमर सुब्बाको कुशल मार्गदर्शनका कारण यो सफलता सम्भव भएको पासाङले बताएका छन्। उनको यस उपलब्धिप्रति महाविद्यालय परिवारका साथै स्थानीय खेलप्रेमीहरूले बधाई तथा शुभकामना व्यक्त गरेका छन्।