जयपुर: लखनऊ सुपर जाइण्ट्सविरुद्ध जीतपछि पनि राजस्थान रोयल्सका कप्तान रियान परागलाई निक्कै भावुक र आक्रामक मिजासमा देखियो। म्याचपछि पत्रकार सम्मेलनमा उनले कमेण्टेटर्स र आलोचकहरूलाई उचित जवाफ दिए, जसले केही समयदेखि उनको निजी जीवनलाई लिएर लगातार टिप्पणी गरिरहेका थिए। राजस्थानले मंगलवार राति जीत हासिल गरी प्लेअफ्-मा पुग्ने सम्भावनाहरूलाई जीवित राख्यो। रियानले म्याचमा हिस्सा लिएनन् अनि उनको स्थानमा यशस्वी जयसवालले टीमको कप्तानी गरिरहेका थिए। म्याचमा ३८ बलमा ९३ रन बनाएर टीमको जीतमा महत्त्वपूर्ण भूमिका निर्वाह गर्ने १५ वर्षीय वैभव सूर्यवंशीको प्रशंसा गर्नको साथै परागले निजी टिप्पणीहरूमाथि पनि खुलेर कुरा गरे। हालै वेपिंग विवादमा फस्ने परागसँग उनी आलोचनाहरूलाई कसरी सम्हाल्छन् भनी प्रश्न गरिँदा उनले भने, मैले जे गर्दा पनि मानिसहरूले कुरा गर्नेछन्। यो कुरा मैले बुझिसकेको छु। यसबाहेक मैदान बाहिरको कुराहरूको असर आफ्नो खेल, फर्म या मानसिकतामा पर्नु दिनु हुँदै भन्ने पनि मैले सिकेको छु। कीबोर्ड वरियर्सको काम मैदान बाहिरसम्म नै सीमित हुनु पर्छ अनि खेलाड़ीहरूले आफ्नो खेलमा ध्यान दिनु पर्छ। राजस्थान रोयल्सका कप्तानले विशेषगगरी कमेण्ट्री बक्समा बस्ने विशेषज्ञहरूमाथि निराशा व्यक्त गरे। उनले खेलाड़ीहरूका निजी जीवनमाथि टिप्पणी गर्नु असल होइन भने। परागले भने, कुनै टीम ७५-८० रनमा अलआउट भए मानिसहरूले खेलाड़ीहरूले खेल्न जान्दैनन् या खेल्न चाहँदैनन् भन्छन् तर त्यस म्याच अघिको लामो तयारीहरूमाथि कसैले ध्यान जाँदैन। हरेक टीमले २२०-२५० रन बनाउने योजना बनाउँछ तर हरेक दिन नतीजा चाहेको जस्तो हुँदैन। हामी पनि मानिस हौं अनि हामीबाट पनि गल्तीहरू हुन्छ। कमेण्टेटर्सले क्रिकेटलाई माया गर्नु पर्छ अनि क्रिकेटमाथि नै चर्चा गर्नु पर्छ। म यति मात्र भन्न चाहन्छु। निजी जीवन या मैदान बाहिरको कुराहरू खेलमा ल्याउनु हुँदैन। उल्लेखनीय छ, लखनऊविरुद्ध जीतको साथ राजस्थान रोयल्स १३ वटा म्याचमा १४ पोइण्ट्सको साथ आईपीएल पोइण्ट्स टेबलको चौथो स्थानमा पुगेको छ। अब मुम्बई इण्डियन्सविरुद्ध अन्तिम म्याचमा जीत हासिल गर्न सके टीमले प्लेअफ्-मा स्थान पक्का गर्नेछ तर हारको स्थितिमा समीकरण सामान्य जटिल बन्नेछ।