नयाँ दिल्ली: कार्लोस अल्काराज नाड़ीको चोटले गर्दा यस साल फ्रेञ्च ओपनमा खेल्न सक्नेछैनन्। यसले रोलाँ ग्यारो (फ्रेञ्च ओपन)-मा खिताबी जीतको ह्याट्रिक लगाउने उनको सम्भावनाहरूलाई ठूलो झट्का लागेको छ। विश्वका नम्बर २ खेलाड़ीलाई बार्सिलोना ओपनमा ओटो विरटेननविरुद्ध पहिलो राउण्डको म्याचको अवधि चोट लागेको थियो। त्यही चोटले गर्दा उनी केही समयपछि टुर्नामेण्टबाट हटेका थिए। हालै भएको मेडिकल टेस्टपछि उनी रोममा हुने इटालियन ओपन र फ्रेञ्च ओपन दुवैबाट बाहिर भएका छन्। अल्काराजले इन्स्टाग्राममा जारी बयानमा भनेका छन्, आज प्राप्त भएको जाँचको रिपोर्टहरू पछि हामीले रोम या रोलाँ ग्यारोमा हिस्सा नलिने अनि सुरक्षित रहने सर्वश्रेष्ठ विकल्प रहने तय गऱ्यौं। म कोर्टमा कहिलेसम्म फर्किन सक्नेछु भन्ने हामी स्थितिको मूल्यांकन गगरेर पत्तो लगाइरहेका छौं। यो मेरो निम्ति मुश्किल समय हो अनि म अझ मजबूत भएर फर्किनेछु भन्ने मलाई विश्वास छ। २२ वर्षीय स्टार खेलाड़ीले १७ अप्रेलमा म्याड्रिड ओपनबाट आफ्नो नाम फिर्ता लिएका थिए, जसले क्ले कोर्ट सीजन अघि उनको फिटनेसलाई लिएर चिन्ता बढ़ेको थियो। सातपल्टका ग्राण्ड स्ल्याम च्याम्पियन अल्काराज पेरिसमा गत २ पल्ट (२०२४ र २०२५)-का च्याम्पियन हुन्। यसमा २०२५-को खिताबी जीत निक्कै रोमाञ्चक थियो कारण उनले नाटकीय फाइनलमा यानिक सिनरविरुद्ध ३ च्याम्पियनशीप पोइण्ट्स बचाएका थिए। यस सालको शुरुवातमा अष्ट्रेलियन ओपनमा जीतको साथ उनी करियर ग्राण्ड स्ल्याम हासिल गर्ने सबैभन्दा कम्ती उमेरका खेलाड़ी पनि बनेका थिए। चोटले सताए पनि अल्काराजको निम्ति २०२६ सीजन असाधारण रहेको छ, जसमा उनले २२ वटा म्याच जितेर केवल ३ वटा गुमाएका छन्। उनले दोहामा पनि खिताब जितेका थिए। यसबीच १२ अप्रेलमा मोण्टे कार्लो मास्टर्सको फाइनलमा सिनरविरुद्ध हारको साथ उनले शीर्ष ऱ्याङकिंग गुमाएका थिए। अहिले अल्काराजको पूरा ध्यान रिकवरीमा रहेको छ।