लिस्बन: फूटबल जगतका महानतम खेलाड़ीहरूमा एक क्रिस्टियानो रोनाल्डो अब आधिकारिक रूपमा विवाहित भएका छन्। पोर्तुगलका ४१ वर्षीय दिग्गज फूटबलरले लामो समयदेखि आफ्नो पार्टनर रहने जर्जिना रोड्रिगेजलाई आफ्नो जीवनसाथी बनाएका छन्। रोनाल्डोले मंगलवार पोर्तुगलको कास्काइसमा एउटा निजी कार्यक्रमबीच जर्जिनासँग विवाह गरे। यस अवसरमा उनीहरूका ५ जना नानीहरू पनि उपस्थित थिए। विवाह कार्यक्रमलाई सम्पूर्ण रूपले निजी राख्ने रोनाल्डोले कुनै ठूलो घोषणा या भव्य तस्वीरहरूको सट्टा सोशल मीडिया पोस्टको माध्यमले प्रशंसकहरूलाई खुशीको खबर दिए। उनले आफ्नो अनि जर्जिनाकी हातको तस्वीर साझा गरेका छन्, जसमा दुवैको औंलीमा म्याचिंग गोल्डन वेडिंग रिंग देखिएको छ। यस तस्वीरको साथ रोनाल्डोले केवल सीजी लेखेका छन्। स्पेनिश स्पोर्टस दैनिक मार्का र सऊदी अरबको दैनिक गल्फ न्यूजले पनि विवाहको पुष्टि गरेको छ। मीडिया रिपोर्टस अनुसार, समारोह निजी थियो, जसमा रोनाल्डो र जर्जिनाको साथमा उनीहरूका ५ जना नानीहरू मात्र सामेल थिए। रोनाल्डो र जर्जिनाको सम्बन्ध लगभग एक दशक पुरानो रहेको छ। यी दुईजनाको भेट २०१६-मा म्याड्रिडमा भएको थियो। त्यस समय जर्जिनाले एउटा गुच्ची स्टोरमा काम गर्थिन्। समयको साथ यी दुईबीचको सम्बन्ध सार्वजनिक भयो अनि दुवैले एकसाथ परिवार बसाए। रोनाल्डो आफ्नो फूटबल करियरमा स्पेन, इटली, ईंग्ल्याण्ड र सऊदी अरबसम्म पुग्ने क्रममा जर्जिना लगातार उनीसँग रहिन्। ब्रिटिश पत्रकार तथा रोनाल्डोका नजिकको मित्र पीयर्स मोर्गनले रोनाल्डो र जर्जिनाको विवाहपछि तस्वीर सोशल मीडियामा साझा गरेका छन्। विवाहको एक साल अघि जर्जिनाले अगस्त २०२५-मा सोशल मीडियामै आफ्नो मंगनी (इन्गेजमेण्ट)-को जानकारी दिएकी थिइन्। उनले रोनाल्डो अनि आफ्नो हातको तस्वीर पोस्ट गरेकी थिइन्, जसमा जर्जिनाको औंलीमा हीराको औंठी रहेको थियो। रोनाल्डोले पनि यसअघि पीयर्स मोर्गनसँग कुराकानीको क्रममा आफ्नो विवाहबारे संकेत दिएका थिए। उनले भनेका थिए, जर्जिनालाई ठूलो पार्टी र देखावटीपन मन पर्दैन। यसैकारण म उनको इच्छालाई सम्मान गर्छु अनि विवाहलाई निजी राख्नेछु। अन्तमा गएर उनीहरूको विवाह त्यस्तै रह्यो। रोनाल्डो र जर्जिनाको परिवारमा ५ जना नानीहरू छन्। यसमा ईवा मारिया र मातेओ जम्ल्याहा हुन्। यसबाहेक छोरी अलाना र बेलाको साथमा रोनाल्डोको पहिलो सम्बन्धको छोरा क्रिस्टियानो जूनियर पनि सामेल छन्। विवाहको खास अवसरमा सबै ५ जना नानीहरू उपस्थित थिए। यसरी ४१ वर्षीय रोनाल्डो र ३२ वर्षीय जर्जिना अब आधिकारिक रूपमा पति-पत्नी बनिसकेका छन्।