नयाँ दिल्ली: ब्राजीलका स्टार फूटबलर नेमारको फिटनेसलाई लिएर राहतको खबर आएको छ। ब्राजीलियन फूटबल कन्फेडरेशन (सीबीएफ)-ले बताएअनुसार, दाहिने खुट्टाको पासुला (काफ)-मा लागेको चोटबाट नेमारको रिकवरी असल तरिकाले भइरहेको छ अनि उनी तय योजना अनुसार तेजीको साथ फिटनेस हासिल गरिरहेका छन्। सीबीएफ-ले नेमारको ताजा एमआरआई स्क्यामपछि उनको स्थितिबारे अपडेट जारी गरेको छ। परिसंघले नेमार मैदानमा फर्किने कुनै निश्चित तारिख चाहिँ बताएन। स्थानीय मीडिया रिपोर्टस अनुसार, नेमार कम्तीमा ब्राजीलको पहिलो ग्रुप म्याचबाट बाहिर रहन सक्छन्। यसरी उनी दोस्रो म्याचसम्म मैदानमा ओर्लिन सक्छन्। नेमारको सहभागितामाथि अन्तिम फसेला मेडिकल टीमको रिपोर्टमाथि निर्भर गर्नेछ। अक्टोबर २०२३-मा एण्टीरियर क्रूसिएट लिगामेण्ट (एसीएल)-को चोटपछि ब्राजीलका सर्वकालिक सर्वश्रेष्ठ गोलदाता नेमारले लगातार चोटसँग जुझ्नु परेको छ। मई २०२६-मा आफ्नो क्लब सेण्टोसबाट खेल्दा उनको दाहिने खुट्टाको पासुलामा चोट लागेको थियो। त्यस समयदेखि उनी मैदानदेखि बाहिर छन्। नेमारको ब्राजीलको निम्ति १२८ वटा म्याच खेलेर सर्वाधिक ७९ गोल गरेका छन्। फिफा वर्ल्ड कप २०२६-मा ब्राजील ग्रुप सी-मा रहेको छ अनि टीमको पहिलो म्याच १३ जूनमा मोरक्कोविरुद्ध रहेको छ। त्यसपछि ब्राजीलले हैती र स्कटल्याण्डविरुद्ध म्याच खेल्नेछ। ब्राजीलले रेकर्ड २३औं पल्ट वर्ल्ड कपमा हिस्सा लिइरहेको छ। यसरी ब्राजील अहिलेसम्म वर्ल्ड कपको हरेक संस्करणमा खेल्ने एकमात्र टीम पनि हो।