हैदराबाद: गत च्याम्पियन रोयल च्यालेञ्जर्स बेंगलुरु (आरसीबी)-का कप्तान रजत पाटीदारले सनराइजर्स हैदराबादविरुद्ध खेलिएको म्याचमा एउटा ठूलो उपलब्धि हासिल गरे। पाटीदार आईपीएलमा सबैभन्दा कम्ती बलमा १०० छक्का पूरा गर्ने भारतीय ब्याटर बनेका छन्। उनले सनराइजर्सविरुद्ध शुक्रवार खेलिएको म्याचमा यस उपलब्धिलाई हासिल गरे। उनले म्याचमा ३९ बलमा ६ वटा चौका र एउटा छक्काको सहायताले ५६ रन बनाए। आईपीएलमा सबैभन्दा कम्ती बलमा १०० छक्का पूरा गर्ने रेकर्ड आन्द्र रसेलको नाममा रहेको छ। उनले ६५७ बलमा १०० वटा छक्का लगाएका थिए। दोस्रो स्थानमा वेष्ट इण्डिजकै निकोलस पूरन रहेका छन्, जसले १०० वटा छक्का पूरा गर्न ८८४ बल खेलेका थिए। तेस्रो स्थानमा रहने पाटीदारले ९३३ बल खेलेर १०० छक्का लगाएका छनन्। यस सूचीमा पाटीदारदेखि तल क्रिस गेल, सुनिल नारेन र शिवम दुबे रहेका छन्, जसले क्रमशः ९४३, ९५० र ९९२ बलमा आईपीएलमा १०० छक्का पूरा गरेका थिए। पाटीदारले आईपीएलको जारी सीजनमा ३९३ रन बनाएका छन्। आरसीबी-को जारी सीजनमा प्रदर्शन असल रहेको छ। टीमले ग्रुप चरणको शीर्ष स्थान (१४ वटा म्याचमा १८ पोइण्ट्स)-मा रहेर प्लेअफ्-मा स्थान बनाएको छ। आरसीबी-ले अब २६ मईमा खेलिने क्वालीफायर-१ मा गुजरात टाइटन्सको सामना गर्नेछ।