रायपुर: आईपीएल २०२६-मा मुम्बई इण्डियन्सको च्याम्पियन बन्ने सम्भावना समाप्त भएपछि टीमका मुख्य प्रशिक्षक माहेला जयवर्धनेले कठिन प्रश्नहरूको सामना गर्नु पऱ्यो। आइतवार राति रोयल च्यालेञ्जर्स बेंगलुरुले अन्तिम बलमा रोमाञ्चक जीत हासिल गर्नको साथै ५ पल्टको च्याम्पियन टीम प्लेअफ्-को रेसबाट बाहिर भयो। यस हारपछि पत्रकार सम्मेलनमा जयवर्धनेसँग टीमको प्रदर्शन, लगातार बदलाउ र सीनियर खेलाड़ीहरूलाई बेञ्च गर्ने रणनीति जस्ता मुद्दाहरूमाथि प्रश्न गरियो। जयवर्धनेले पूरा सीजनलाई निराशाजनक बताए। टीमले प्राप्त भएको मौकाहरूको फाइदा उठाउन नसकेको उनले स्वीकार गरे। जयवर्धनेले भने, यो सीजन निराशाजनक रह्यो। हामीलाई मौका प्राप्त भएको थियो तर हामीले त्यसको फाइदा उठाउन सकेनौं। बलिंग र ब्याटिंग दुवैमा निरन्तरताको कमी देखियो अनि यसैले अन्तर सृष्टि गऱ्यो। हामीलाई प्लेअफ्-को रेसमा कायम रहन २-३ वटा जीतको आवश्यकता थियो तर हामीले म्याच जित्न सकेनौं। आजको म्याच पनि त्यसैको उदाहरण हो, जहाँ हामी सामान्यले पछि रह्यौं। अहिले पूरा सीजनको आकलन गर्नु मुश्किल छ। गल्ती कहाँँ भयो भन्ने मैले सोच्ने आवश्यकता छ। हामी आफ्नो कौशल र निष्पादनमा यस सीजनमा आफ्नो सर्वश्रेष्ठ फर्ममा थिएनौं अनि यो कुरा सत्य हो। मुम्बई इण्डियन्सले यस सीजनमा लगातार आफ्नो अन्तिम एकादशमा फेरबदल गरेको देखियो, जुन टीमको पहिचानको विपरीत हो। जयवर्धनेले यस बद्लाउलाई रणनीतिक कम्ती अनि मजबूरी अधिक बताए। उनले भने, हामीले यस सीजनमा खेलाड़ीहरूका चोट अनि फिटनेस समस्यासँग जुझ्नु पऱ्यो। खेलाड़ीहरू उपलब्ध नरहँदा हामी बद्लाउ गर्न वाध्य भयौं। रणनीतिक रूपले हामीले कम्ती नै बद्लाउ गऱ्यौं। म आफ्ना प्रमुख खेलाड़ीहरूले लगातार खेलोस् भन्ने चाहन्थे तर त्यस्तो हुन सकेन। जयवर्धनेले फ्रेञ्चाइजीसँग असल खेलाड़ीहरू रहे पनि टीमले आशानुरुप प्रदर्शन गर्न नसकेको पनि स्वीकार गरे। सीजनको शुरुवातदेखि नै केही सीनियर खेलाड़ीहरू फर्म खराब भए पनि टीम म्यानेजमेण्टले उनीहरूमाथि भरोसा देखायो। खराब फर्म हुँदा पनि ती खेलाड़ीहरूलाई खेलाउने रणनीतिमाथि प्रश्न गरिँदा जयवर्धनेले भने, मलाई त्यस्तो केही लाग्दैन। खेलाड़ीहरूका गुणस्तर थाहा पाएपछि तपाईंले उनीहरूले सर्वश्रेष्ठ दिने प्रयास गरिरहेको बुझ्नु पर्छ। प्रयासमा कमी रहेको लागे म उनीहरूसँग कुरा गर्ने थिएँ तर उनीहरूका प्रतिबद्धता र मेहनत असाधारण रह्यो। उनले रोहित शर्माको उदाहरण दिँदै भने, उनी चोटमुक्त भएर फर्किएपछि असाधारण फर्ममा देखिए। हाम्रो कोर टीम निक्कै महत्त्वपूर्ण छ अनिि तपाईं बारम्बार बद्लाउ गर्न सक्नुहुन्न। हामीले उनीहरूमाथि भरोसा र विश्वास कायम राख्यौं। उल्लेखनीय छ, नियमित कप्तान हार्दिक पाण्ड्या ढाड़को चोटले म्याचबाट बाहिर रहँदा टीमको सन्तुलन प्रभावित भयो। यसबाहेक सूर्यकुमार यादवको खराब फर्मले पनि टीमलाई क्षति भयो। उनले ११ वटा म्याचमा केवल १९५ रन बनाएका छन्।