नयाँ दिल्ली: प्रणवी शरत उर्सले एशियाई खेलहरू २०२६-मा इतिहास रच्दै महिलाहरूकी व्यक्तिगत गोल्फमा भारतको निम्ति पहिलो स्वर्ण पदक जितिन्। चार राउण्डको स्ट्रोक प्ले-मा प्रणवीले जम्मा २६५ वटा शट् खेलिन्, जुन बराबर (पार) २८०-भन्दा १५ शट् कम्ती थियो। यसैकारण उनको अन्तिम स्कोर १५-अण्डर-पार अर्थात -१५ रह्यो। उनले सिंगापुरकी शेनन टेन र चीनकी रुओनिंग यिनलाई एक शट्ले पछि छोड़ेर स्वर्ण पदक जितिन्। महिला व्यक्तिगत गोल्फमा स्ट्रोक प्ले प्रारूप खेलिन्छ। यसमा चारैवटा राउण्डपछि जुन खेलाड़ीको जम्मा शट् सबैभन्दा कम्ती हुन्छ, त्यही खेलाड़ी विजेता बन्छिन्। प्रणवी फाइनल राउण्डको शुरुवातमा अघि रहेकी थिइन् तर तेस्रो होलमा उनलाई ठूलो धक्का लाग्यो। पार-४ को यस होलमा उनले ७ वटा शट् लिइन् अनि ट्रिपल बोगीमा बसिन्। यसले गर्दा चीनकी खेलाड़ीले बढ़त हासिल गरिन्। त्यसपछि भारतीय गोल्फरले असाधारण पुनरागमन गरिन्। उनले छैटौं, १०औं र १३औं होलमा बर्डी लगाइन्। बर्डीको अर्थ कुनै होललाई त्यसको पार भन्दा एउटा कम्ती शट्मा पूरा गर्नु हो। त्यसपछि प्रणवी, शेनन टेन र यिनबीच स्वर्ण पदकको लड़ाइँ रोमाञ्चक बन्यो। अन्तिम होलसम्म खेल रोचक थियो। जीतको निम्ति प्रणवीलाई १८औं होलमा महत्त्वपूर्ण पार हासिल गर्नु थियो। पारको अर्थ होलको निम्ति तय शट्को संख्यामा त्यसलाई पूरा गर्नु हो। प्रणवीले जरूरी पार पुट सफलतापूर्वक लगाइन् अनि आफ्नो स्कोर -१५ पारमा कायम राखिन्। टेन र यिन दुवै -१४ मा रहिन्। यसरी प्रणवीले दुवैभन्दा एउटा शट् कम्तीमा चारैवटा राउण्ड पूरा गरी स्वर्ण पदक जितिन्। टेन र यिनको बराबर -१४ अर्थात २६६ रहँदा दुवैलाई संयुक्त रूपमा रजत पदक हासिल भयो। यसबाहेक भारतीय महिला गोल्फ टोलीले पनि टीम स्पर्धामा रजत पदक जित्यो। भारतीय टोलीमा प्रणवी उर्स, अदिति अशोक र दीक्षा डागर सामेल थिइन्। चारवटा राउण्डपछि भारतको जम्मा स्कोर ५४६ शट् अर्थात् -१४ रह्यो। चीनको टोलीले ५३८ शट्को साथ -२२ स्कोर गरी स्वर्ण पदक जित्यो। यसरी काँस्य पदक चाइनीज ताइपेको टोलीको नाममा रह्यो।