नयाँ दिल्ली: भारतका अमन सहरावतले एशियाई खेलहरू २०२६-मा पुरुषहरूका ५७ किग्रा फ्रीस्टाइल कुश्तीमा स्वर्ण पदक जितेर इतिहास रचे। अमनले नागोया सिटी इनाए स्पोर्टस सेण्टरमा खेलिएको फाइनलमा वर्तमान विश्व च्याम्पियन उत्तर कोरियाका हान चोंग सोंगलाई ११-७-ले पराजित गरे। यो पुरुषहरूका ५७ किग्रा फ्रीस्टाइलमा एशियाई खेलहरूमा भारतको पहिलो स्वर्ण पदक हो। फाइनलमा अमनले असाधारण शुरुवात गरे अनि दोस्रो हाफमा ६-१-को बढ़त हासिल गरेका थिए। वर्तमान विश्व च्याम्पियनले पनि असाधारण पुनरागमन गर्दै ३ पल्ट २-२ अंक हासिल गरी ७-६-को बढ़त लिए। फाइनलको अन्तिम क्षणमा अमनले आफ्नो संयम कायम राखे। उनले टेकडाउनमा २ अंक बटुले अनि फेरि रोलको माध्यमले थप २ अंक हासिल गरे। यसरी भारतीय पहलवान १९-७-ले अघि रहन पुगे। उत्तर कोरियाका पहलवानले यी अंकहरूलाई चुनौती दिए तर उनको चुनौती खारेज भयो अनि उनलाई १ अंकको नोक्सान पनि भयो। यसरी अमन ११-७-ले अघि रहन पुगे। त्यसपछि अन्तिम ३० सेकेण्डमा असाधारण डिफेन्सको साथ अमनले फाइनल र स्वर्ण पदक जिते। अमन ओलम्पिक पदक विजेता पहलवान हुन्। उनले पेरिस ओलम्पिकमा काँस्य पदक जितेका थिए। यसबाहेक उनले २०२३ हांगझोउ एशियाई खेलहरूमा पनि काँस्य जितेका थिए। यसपाली उनले आफ्नो पदकको रंग बदलिएर स्वर्ण पदक जिते। अमनभन्दा अघि सुजीत कलकलले पनि पुरुषहरूका ६५ किग्रा फ्रीस्टाइल कुश्तीमा स्वर्ण पदक जितेका थिए। यसरी भारतले १९७८ पछि एशियाई खेलहरूमा पहिलोपल्ट पुरुषहरूका फ्रीस्टाइल कुश्तीमा २ वटा स्वर्ण पदक जित्यो। यसबीच भारतका महिला पहलवान अन्तिम पंघालले चाहिँ रजत पदकमै चित्त बुझाउनु पऱ्यो। महिलाहरूकी ५३ किग्रा भार वर्गको फाइनलमा उनले जापानकी पहलवान कियूका मोएविरुद्ध ९-१-ले हारको सामना गर्नु पऱ्यो।