लण्डन: खेलाड़ीहरूका राजस्वमा अधिक हिस्सेदारीको मागबीच विम्बल्डनले जम्मा पुरस्कार राशिमा २० प्रतिशतको भारी बढ़ोत्तरीको घोषणा गरेको छ। आउँदो महिना हुने यस ग्रास कोर्ट ग्राण्ड स्ल्याम टेनिस टुर्नामेण्टमा एकल च्याम्पियनलाई अब ३६ लाख पाउण्ड (४८ लाख डलर) प्राप्त हुनेछ। अल ईंग्ल्याण्ड क्लबका अध्यक्ष डेबोरा जेवन्सले प्रेस कन्फ्रेन्समा बताएअनुसार, खेलाड़ीहरूलाई दैनिक भत्तासहित जम्मा पुरस्कार राशि ६ करोड़ ४२ लाख पाउण्ड (८ करोड़ ५८ लाख डललर) हुनेछ। खेलाड़ीहरूले लामो समयदेखि चारैवटा ग्राण्ड स्ल्यामबाट हुने कमाईमा अधिक हिस्सेदारीको माग गरिरहेकका छन् अनि हालै उनीहरूले सामूहिक कार्वाहीको दिशामा कदम उठाउन थालेका छन्। फ्रेञ्च ओपन अघि विश्वकी नम्बर १ खेलाड़ी आर्यना सबालेंकाले उनीहरूका माग पूरा नभए खेलाड़ले कुनै न कुनै स्तरमा वहिष्कार गर्नु पर्ने बयान दिएकी थिइन्। पुरुष एकलमा विश्वका नम्बर १ खेलाड़ी यानिक सिनरको साथमा कोको गौफ र अन्य खेलाड़ीहरूले पनि यस मुद्दामा आफ्नो कुरा अघि राखेका थिए। त्यसपछि रोलाँ ग्यारो टुर्नामेण्ट शुरु हुन अघि प्रेस कन्फ्रेन्समा शीर्ष १० खेलाड़ीहरूले टुर्नामेण्टबाट हुने कमाईमा आफ्नो हिस्सालाई लिएर सांकेतिक विरोध जनाउँदै पत्रकारहरूसँग आफ्नो सत्रलाई १५ मिनटसम्म नै सीमित राखेका थिए।