​सिलगढी: सिलगढी पुलिस कमिश्नरेट अन्तर्गत पर्ने बागडोग्रा थाना पुलिसले एक विश्वसनीय सूचनाको आधारमा ठूलो परिमाणमा प्रतिबन्धित मादक पदार्थसहित एक जनालाई पक्राउ गरेको छ। पुलिस टोलीले आफ्नो कार्यक्षेत्र भित्र पर्ने ताइपु फ्याक्ट्री मोड नजिकै एउटा मोटरसाइकललाई रोकेर जाँच गर्दा मालदाको कालियाचक निवासी २३ वर्षीय इमरान हुसेनलाई पक्राउ गरेको हो।
​खानतलासीका क्रममा उनको साथबाट १८९३ ग्राम (करिब १ किलो ८९३ ग्राम) ब्राउन सुगर, एउटा एन्ड्रोइड मोबाइल फोन र एउटा ब्याकप्याक बरामद गरी मोटरसाइकलसहित जफत गरिएको छ।
पुलिसका अनुसार एनडीपीएस ऐनको प्रावधानलाई कडाइका साथ पालना गर्दै खोजतलास, जफत र पक्राउको प्रक्रिया पूरा गरिएको छ। यस सम्बन्धमा बागडोग्रा थानामा कानुनी धाराहरू अन्तर्गत मुद्दा दर्ता गरी थप अनुसन्धान अघि बढाइएको छ।