​सिलगढी: उत्तर बंगालका गैर-सञ्चालित (बन्द) चिया बगानहरूलाई यथाशीघ्र पुनः सञ्चालनमा ल्याउने विषयमा श्रम विभागका मन्त्री अर्जुन सिंहको अध्यक्षतमा सिलगढीस्थित श्रमिक भवनमा एक महत्त्वपूर्ण बैठक सम्पन्न भएको छ।

​बैठकलाई सम्बोधन गर्दै मन्त्री सिंहले चिया बगान व्यवस्थापनको लापरबाही, दीर्घकालीन उपेक्षा र गैरजिम्मेवारीपनलाई अब थप छुट नदिइने स्पष्ट पारे। उनले बन्द अवस्थामा रहेका प्रत्येक चिया बगानलाई पुनः सञ्चालनमा ल्याउनका लागि तत्काल ठोस र प्रभावकारी कदम चाल्न मातहतका निकायलाई निर्देशन दिएका छन्।
​मन्त्री सिंहले बगान पुनरुत्थानको प्रक्रियालाई दिगो र वित्तीय रूपमा सबल बनाउन चिया श्रमिक, स्थानीय सरोकारवाला, सरकार र वित्तीय संस्थाहरूबीच चरणबद्ध छलफल गरिने बताए। यस प्रयासबाट श्रमिकहरूको हित रक्षा हुनुका साथै बगान सञ्चालनका लागि भरपर्दो वातावरण तयार हुने विश्वास लिइएको छ।
​दार्जिलिङ पहाड, तराई र डुवर्स क्षेत्रका चिया बगानहरू विगतका सरकारको उदासीनताका कारण वर्षौंदेखि समस्याग्रस्त बन्दै आएका थिए।
​बैठकपछि श्रमिक प्रतिनिधिहरूले मुख्यमन्त्री शुभेन्दु अधिकारी र श्रममन्त्री अर्जुन सिंहको यस निर्णयको स्वागत गर्दै खुसी व्यक्त गरेका छन्। सरकारको यस कदमले हजारौँ चिया श्रमिक तथा तिनका परिवारको रोजीरोटी र सम्मान पुनःस्थापना हुने आशा जगाएको छ।