न्यूपोर्ट: महान टेनिस खेलाड़ी रोजर फेडररलाई इण्टरनेशनल टेनिस हल अफ फेम-मा सामेल गरियो। यस खास अवसरमा २० वटा एकल ग्राण्ड स्ल्याम विजेतालाई निक्कै भावुक देखियो। लगभग ३० मिनटसम्म चलेको आफ्नो सम्बोधनको अवधि उनी धेरैपल्ट रोए। पत्नी मिर्काको स्वागत-परिचय भाषणपछि स्विट्जरल्याण्डका दिग्गज खेलाड़ी फेडररलाई मञ्चमा बोलाइयो। उनले माहोललाई हल्का गर्ने प्रयास गर्दै उनलाई अहिले रूमाल र गगल्सको आवश्यकता भएको बताए तर आफ्नो सम्बोधनमा उनले आँशुलाई रोक्न सकेनन्। ४५ वर्षीय फेडररले मञ्चमा पुग्नको साथै यो सम्मान उनको निम्ति खास रहेको अनि त्यसपछि बोल्नु सजिलो नहुने बताए। भावुक भाषणको अवधि फेडररले आफ्नो वाल्यकालका आदर्श स्टीफन एडबर्ग र लामो समयसम्म उनको प्रशिक्षक रहने सेवेरिन लुथीलाई पनि सम्झना गरे। टेनिस इतिहासको यस प्रतिष्ठित सूचीको हिस्सा बन्न पाउनुलाई फेडररले खास बताए। स्विस् माएस्ट्रो-को नामले चर्चित फेडररले बताएअनुसार, टेनिसको समृद्ध इतिहासको हिस्सा बन्न पाउनु उनको निम्ति गर्वको कुरा हो। उल्लेखनीय छ, फेडररले आफ्नो स्वर्णिम करियरमा २० वटा एकल ग्राण्ड स्ल्याम खिताब जिते। यसमा रेकर्ड ८ वटा विम्बल्डन, ६ वटा अष्ट्रेलियन ओपन, ५ वटा अमेरिकी ओपन र एउटा फ्रेञ्च ओपन खिताब सामेल छ। उनी लगातार २३७ हप्तासम्म एटीपी एकल ऱ्याङकिंगमा विश्वका नम्बर १ खेलाड़ी रहेका थिए। फेडरर करियर ग्राण्ड स्ल्याम पूरा गर्ने केवल आठ पुरुष खेलाड़ीहरूमा सामेल छन्। उनले २००४-देखि २००८-सम्म लगातार ५ साल अमेरिकी ओपनको खिताब जितेका थिए अनि लगातार १० वटा ग्राण्ड स्ल्याम फाइनलमा स्थान बनाएका थिए, जसमा उनले ८ वटा जितेका थिए। फेडरर इण्टरनेशनल टेनिस हल अफ फेम-मा सामेल हुने २७२औं सदस्य बने। समारोहमा उनको साथमा पूर्व खेलाड़ी तथा प्रसारक मेरी केरिलोलाई पनि हल अफ फेम-मा सामेल गरियो।