​ईटानगर: देशव्यापी अभियान “१२ साल विश्वास के, विकास के, जन-कल्याण के”- को एक हिस्साको रूपमा भाजपा ईटानगर जिल्ला कमिटीद्वारा एक विशेष सरसफाइ एवं वृक्षारोपण कार्यक्रमको आयोजना गरियो। जिल्ला महासचिव एवं संयोजक श्री किओगी गिदा गगुङको नेतृत्वमा आयोजित यस अभियानमा विशेष गरी प्लास्टिकजन्य फोहोर व्यवस्थापन र “एक पेड माँ के नाम” (आमाको नाममा एउटा रुख) थिमअन्तर्गत पर्यावरण संरक्षणमा जोड दिइयो।

यस गरिमामय कार्यक्रममा भाजपा जिल्ला अध्यक्ष श्री तादार तोउमिन, माननीय विधायक श्री तेची कासो, जिल्ला प्रभारी श्री लिखा तोगु, राज्य उपाध्यक्ष श्री तार्ह सोपिङ, मण्डल अध्यक्षद्वय श्री यार्दा राजा र श्री तार्ह काहाको उपस्थिति रहेको थियो। यसका साथै इटानगर नगर निगम (आईएमसी)-का उप-मेयर श्री तोक ताबिन चामदिर, जेडपीएम श्रीमती ताङ यादो, कर्पोरेटरहरू श्री गिचिक ताचु, श्रीमती गिगी रिना, श्रीमती ग्यामार मेमा बाके र काबाक सुम्पा लगायत जिल्ला अनि मण्डलका पदाधिकारीहरू, शक्ति केन्द्र प्रमुखहरू, बीएलसी र भाजपा कार्यकर्ताहरूको बाक्लो उपस्थिति थियो।

​माननीय प्रधानमन्त्री श्री नरेन्द्र मोदीको दूरदर्शी सोच र आह्वानबाट प्रेरित भई आयोजना गरिएको यस कार्यक्रमले पर्यावरण संरक्षण, स्वच्छता र दिगो विकासलाई बढावा दिँदै एउटा हरित र स्वच्छ भारत निर्माणप्रति सबैको सामूहिक प्रतिबद्धतालाई फेरि एकपल्ट बलियोसँग उजागर गरेको छ।