कोलकाताः मध्य कोलकातामा केन्द्रिय गृहमन्त्री अमित शाहको मेगा ऱ्यालीको निम्ति राज्यका विभिन्न हिस्साहरूबाट पुगिरहेका भाजपा समर्थकहरूको कारण शहरका धेरै क्षेत्रहरूमा ट्राफिक व्यवस्था अस्तव्यस्त भएको छ। तीन अलग-अलग ठाउँबाट कूल ३० जुलूस मध्य कोलकातामा ऱ्याली स्थलमा पुगिरहेका छऩ्, जहाँ सत्तारूढ़ तृणमूल कांग्रेसले २१ जुलाईमा आफ्नो वार्षिक शहीद दिवस ऱ्याली आयोजित गर्दछ, त्यही शाहको सभा भइरहेछ।

एक जुलूस व्यस्त मध्य कोलकातामा एसएन ब्यानर्जी रोड स्थित हिन्द सिनेमाबाट शुरू गरेको छ। अन्य दुई जुलूस हावड़ा र सियालदह स्टेशनहरूबाट अघि बढ़िरहेछ। अन्तिम दुई जुलूसमा मुख्य रूपमा जिल्लाहरूबाट ऱ्यालीमा सामेल हुन शहर आउनेहरू छन्। भाजपाको प्रदेश कमिटीबाट प्राप्त जानकारी अनुसार, केन्द्रिय गृहमन्त्री अमित शाहले दिउँसो लगभग २.३० बजी ऱ्यालीलाई सम्बोधित गर्नेछन्। हवाई अड्डाबाट उनी हेलिकप्टरमा मध्य कोलकाताको रेसकोर्स ग्राउण्ड स्थित हेलीप्याड पुग्नेछन् र सड़क मार्गबाट ऱ्याली स्थल जानेछन्।

भाजपाका राज्य समितिका एक सदस्यले भने, सभालाई सम्बोधित गरेपछि उनी नयाँ दिल्लीको निम्ति जानअघि त्यही मार्गबाट पुनः हवाईअड्डा फर्किनेछन्। ऱ्यालीको मञ्चको एकपट्टी ड्रप-बक्स हुनेछ, जहाँ फर्जी जब कार्ड जारी भएको कारण मनरेगा योजना अन्तर्गत १०० दिनको नौकरीबाट वञ्चितहरूले आफ्नो लिखित शिकायत हाल्नसक्नेछन्। यसबीच ऱ्यालीलाई लिएर कोलकाता पुलिसको एक हजार जवानलाई कोलकाताको सड़कहरूमा तैनात गरिएको छ। संयुक्त पुलिस आयुक्त स्तरको एक अधिकारीले पूरा प्रक्रियाको निगरानी गरिरहेका छन्।

-हिस