लस एञ्जिलिस: फिफा वर्ल्ड कप २०२६-को राउण्ड अफ् ३२-को पहिलो म्याचमा सह-आयोजक क्यानाडाले रोमाञ्चक जीत हासिल गरी इतिहास रच्यो। आइतवार अबेर राति लस एञ्जिलिस स्टेडियममा खेलिएको म्याचमा क्यानाडाले दक्षिण अफ्रिकालाई १-०-ले पराजित गऱ्यो। चरम रोमाञ्चक म्याचको इञ्ज्युरी टाइम (९०+२औं मिनट)-मा कप्तान स्टीफन युस्टाकियोले गोल गरी टीमलाई जीत दिलाए। यस जीतको साथ क्यानाडाले पहिलोपल्ट फिफा वर्ल्ड कपको प्री-क्वार्टर फाइनलमा प्रवेश गऱ्यो। यसअघि क्यानाडा १९८६ र २०२२-को वर्ल्ड कपमा ग्रुप चरणदेखि अघि बढ़न सकेको थिएन। अब राउण्ड अफ ३२-मा क्यानाडाको सामना नीदरल्याण्ड्स र मोरक्कोबीच खेलिने म्याचको विजेतासँग हुनेछ। म्याचमा शुरुदेखि नै दक्षिण अफ्रिकाले आक्रामक खेल देखायो अनि केही असल मूभहरू पनि बनायो तर अन्तिम पास र फिनिशिंगको कमीले गर्दा टीमले बढ़त हासिल गर्न सकेन। यसरी क्यानाडाले पनि केही असल मौकाहरू सृष्टि गऱ्यो। पहिलो हाफको अन्तिम समयमा क्यानाडा २ पल्ट गोलको नजिक पुगेको थियो। पहिला दक्षिण अफ्रिकाका डिफेण्डर आब्ररे माडिबाले मोइज बम्बिटोको हेडरलाई गोललाइनबाट क्लीयर गरे। त्यसको लगत्तै पछि गोलकीपर रोनवेन विलियम्सले ताजोन बुकाननको शट्मा असाधारण शेभ गरे। यसरी मध्यान्तरसम्म दुवै टीमले गोल हासिल गर्न सकेन।
ब्रेकपछि क्यानाडाले खेललाई नियन्त्रणमा राख्दै लगातार दक्षिण अफ्रिकी पोस्टमा हमला गऱ्यो। तानी ओलुवासेयीको शक्तिशाली शट्लाई रोनवेन विलियम्सले फुर्तिको साथ रोके। त्यसपछि डिफेण्डर म्बेकेजेली म्बोकाजीले समयमै बललाई क्लियर गरेर रिबाउण्डमा गोल हुनदेखि बचाए। सह-आयोजक टीमले ७५औं मिनटमा स्टार खेलाड़ी अल्फोन्सो डेविसलाई मैदानमा ल्यायो। उनको गति र असाधारण ड्रिब्लिंगले दक्षिण अफ्रिकी डिफेण्डरहरू दबाउमा देखिए। निर्धारित ९० मिनटको खेल समाप्त हुँदा पनि दुवै टीमले गोल गर्न नसक्दा म्याच अतिरिक्त समयसम्म जाने लागिररहेको थियो तर इञ्ज्युरी टाइमको खेलमा क्यानाडाले निर्णायक गोल हासिल गरी म्याच जित्यो। इञ्ज्युरी टाइमको दोस्रो मिनटमा स्टीफन युस्टाकियोले बक्स बाहिरबाट असाधारण फर्स्ट टाइम शट् लगाएर टीमलाई गोल दिलाए। दक्षिण अफ्रिकी गोलकीपर रोनवेन विलियम्सले त्यसलाई शट्लाई नेटमा पस्नदेखि रोक्न सकेनन्। यो जीत क्यानाडाको पुरुष फूटबल इतिहासको सबैभन्दा ठूलो उपलब्धिहरूमा एक हो। टीमले यसपाली पहिलोपल्ट नक्आउट चरणमा स्थान बनाउनको साथै पहिलोपल्ट नक्आउट राउण्डको म्याच जितेर प्री-क्वार्टर फाइनलमा पनि प्रवेश गऱ्यो। म्याचमा हारको सम्मुखीन भए पनि दक्षिण अफ्रिकाले शीर उच्च राखेर बिदा लियो। टीम यसपाली पहिलोपल्ट वर्ल्ड कपको नक्आउट राउण्डमा पुगेको थियो।