नयाँ दिल्ली: भारतका अनन्तजीत सिंह नरुका र परिनाज धालीवालले बिहीवार एशियाई खेलहरूको मिश्रित स्कीट टीम स्पर्धामा असाधारण प्रदर्शन गर्दै देशको निम्ति काँस्य पदक जिते। भारतीय जोड़ीले फाइनलमा ४४-को स्कोरसहित तेस्रो स्थान हासिल गऱ्यो। भारतीय जोड़ीले आफ्नो लयलाई कायम राख्दै ६ सीरीजमा लगातार प्रगति गऱ्यो, जसमा पहिलो सीरीजपछि उनीहरू ७ अंकमा थिए। त्यसपछि अनन्तजीत र परिनाज क्रमशः १४, २१, २९, ३६ र अन्तमा ४४-को स्कोरसम्म पुगे। यसअघि अनन्तजीत र परिनाजको जोड़ीले क्वालीफिकेशन राउण्डमा १३८ अंकको साथ चौथो स्थान हासिल गरेको थियो अनि अन्तिम उपलब्ध स्थानमा रहेर फाइनलमा प्रवेश गरेको थियो। यस काँस्य पदकको साथै आइची-नागोया एशियाई खेलहरूमा भारतको शूटिंगमा जम्मा पदकको संख्या ८ पुग्यो, जसमा ४ वटा रजत र ४ वटा काँस्य सामेल छ। यसअघि बुधवार भारतको पुरुष र महिला स्कीट शूटिंग टीमहरूले पनि आइची प्रीडेक्चुरल जनरल शूटिंग ग्यालरीमा २ वटा काँस्य पदक जितेको थियो। मिश्रित स्कीट टीम स्पर्धामा भारतीय जोड़ी स्वर्ण पदकको गोरेटोमा अग्रसर थियो तर अन्तमा तेस्रो स्थानमा रहेर काँस्य पदक हासिल गऱ्यो। यस स्पर्धामा चीनको जोड़ीले ५२ अंकको साथ स्वर्ण र दक्षिण कोरियाको जोड़ीले ५१ अंकको साथ रजत पदक जित्यो। अनन्तजीत र परिनाजको यो जारी एशियाडमा दोस्रो पदक हो। अनन्तजीतले यसअघि पुरुष स्कीट टीमसँग अनि परिनाजले यसअघि महिला स्कीट टीमसँग काँस्य पदक जितेका थिए। समग्रमा जारी एशियाई खेलहरूमा यो भारतको १५औं पदक हो। भारतले यस एशियाई खेलहरूमा एउटा स्वर्ण, ६ वटा रजत र ८ वटा काँस्य पदक जितेको छ। भारतलाई एकमात्र स्वर्ण पदक महिला क्रिकेट टोलीले दिलाएको छ। पदक तालिकामा चीन जम्मा १०८ वटा पदकको साथ शीर्ष स्थानमा रहेको छ।