सिलगढी: सिलगढीको मटिगढा ब्लक अन्तर्गत पेल्कुजोट क्षेत्रमा जग्गा कब्जालाई लिएर तनाव बढेको छ। मटिगढा पुलिस थानाबाट ठूलो संख्यामा पुलिस घटनास्थल पुगेर स्थितिलाई सामान्य बनाएको थियो । सो क्षेत्रका स्थानीय वासुदेव घोषको एक एकर जमिन रहेको बताइएको छ । उनले कम्तापुर सांस्कृतिक समाजलाई १५ कठ्ठा जग्गा दान दिए । तर, हिजो रातिको अँध्यारोमा केही व्यक्तिले कामतापुर प्रगतिशील पार्टीको झण्डा प्रयोग गरी अस्थायी घर बनाएर जग्गा अतिक्रमण गर्न खोजेको आरोप छ । बिहान कामतापुर साँस्कृतिक समाजका सदस्य र जग्गाधनीले यो कुरा थाहा पाएपछि निकै हंगामा भएको थियो । कामतापुर सांस्कृतिक समाजका सदस्य तथा कम्तापुर प्रगतिशील पार्टीका उपाध्यक्ष बुढारु रायले जग्गामा बनेका घर भत्काउन खोज्दा दुवै पक्षबीच हानाहान सुरु भएको हो । घटनाको जानकारी पाएलगत्तै मटिगढा पुलिस थानाबाट ठूलो संख्यामा पुलिस घटनास्थल पुगेर स्थिति सामान्य बनाएको थियो । सोही क्रममा सो जग्गा कब्जा गरेर निर्माण गरिएका अस्थायी घर भत्काइयो । कम्तापुर साँस्कृतिक समाजका सदस्यले घटनाबारे मेडिकल चौकीमा उजुरी दिएका छन् । यता स्थानीयवासीले उक्त जग्गा सरकारी जग्गा भएकाले घर नभएकाले सो जग्गामा घर बनाउने दाबी गरेका छन् ।