नयाँ दिल्ली: भारतीय जनता पार्टी (भाजपा)ले प्रधानमन्त्री नरेन्द्र मोदीको अमेरिका यात्रालाई ऐतिहासिक बताएको छ। शनिबार आयोजित एक प्रेसवार्तामा केन्द्रीय मन्त्री हरदीप सिंह पुरीले भने, ‘प्रधानमन्त्री नरेन्द्र मोदीको अमेरिका यात्रा एकदमै सफल भएको छl’ पुरीले भने, ‘दुवै देशले आईसीएईटीको घोषणाको माध्यमबाट आफ्नो रणनीतिक साझेदारीलाई बढ़ाएको छ जुन महत्वपूर्ण तथा उदियमान प्रौद्योगिकीमाथि गरिएको पहल हो। यो भारत-अमेरिका सम्बन्धमा एउटा प्रमुख माइल खुट्टी हो। साथै नासा र इसरोले वर्ष २०२३ सम्ममा मानव अन्तरिक्ष उड़ान सहयोगको लागि एक रणनीतिक ढाँचालाई विकसित गर्नेछ। यो दुई सबैभन्दा विशाल लोकतन्त्रबीच सशक्त साझेदारीको प्रतीक होl’

उनले भने, ‘प्रधानमन्त्री पहिलो पटक अमेरिकाको भ्रमणमा जाँदा भारत संसारको दशौं अर्थव्यवस्था थियो भने आज भारत संसारको पाँचौं सबैभन्दा ठूलो अर्थव्यवस्था भइसकेको छ। अमेरिकी कांग्रेसको संयुक्त सत्रमा उनको सम्बोधन औ त्यहाँका प्रतिनिधिहरूले उनीसित अटोग्राफ माग्नु उनी एक विश्व नेता भएको प्रमाण हो। विश्वभरिका कतिपय व्यक्तिहरूले अमेरिकी कांग्रेसको संयुक्त सत्रलाई सम्बोधन गरेका छन्। यदि इतिहासलाई हेऱ्यौं भने नेल्सन मण्डेला र विंस्टन चर्चिलले अमेरिकी कांग्रेसको संयुक्त सत्रलाई सम्बोधन गरेका थिएl’ –हिस