गान्तोक: आगामी १३ जुलाईको दिन पालन गरिने २०९औं भानु जयन्ती समारोहलाई लिएर दोस्रो समन्वय सभा पाकिम जिल्लाको याक्तेन ग्राम प्रशासन केन्द्रमा सम्पन्न भयो। उक्त सभामा कार्यक्रमबारे सुनिश्चित गर्न प्रासंगिक मुद्दा र रणनीतिहरूमा व्यापक छलफल गरियो। आयोजक समितिले कार्यक्रमलाई अन्तिम रूप दिएको छ, जसमा रामायण पाठ, कविता, तर्क प्रतियोगिता र सांस्कृतिक कार्यक्रम समावेश गरिएको छ। यसका साथै बैठकमा विभिन्न समितिहरुले आ–आफ्नो प्रगति प्रतिवेदन र आगामी कार्यक्रमको कार्ययोजना प्रस्तुत गऱ्यो। सो सभामा भानु जयन्तीको दिन भव्यरूपमा शोभा यात्रा पनि आयोजना गरिने निर्णय लिएको छ। यसका साथै भानु जयन्ती उत्सवलाई सुचारु समन्वयरूपमा सम्पन्न गर्नका लागि प्रभावकारी कार्ययोजना गर्ने र सम्बन्धित विभागहरूलाई जिम्मेवारी पनि दिइयो। सभालाई सम्बोधन गर्दै जिल्ला उपाध्याक्ष्यले आगामी दिनमा पालन गरिने जयन्ती समारोहलाई लिएर उत्साह व्यक्त गरेकी छन्। उनले पर्वको क्रममा समृद्ध संस्कृति र परम्पराको संरक्षण र प्रदर्शनको महत्व दोहोर्‍याइन। यस कार्यक्रमलाई सफल बनाउनका लागि सबैले सहयोग गर्न समितिलाई आग्रह गरेकी छन्।