राजगञ्ज: सीपीएम नेता जीवेश सरकार आज राजगञ्जमा रहेको सीपीएमको निर्वाचन कार्यालयमा पुगेका थिए। तिनले भने, पञ्चायत चुनाउ भनेको गाउँका मानिसहरूको लागि उत्सव हो पञ्चायत चुनाउलाई यस्तै प्रकारले हेर्ने हामीलाई अभ्यास भइसकेको छ। तर गत दुईवटा पञ्चायत निर्वाचनले आतङ्कको माहौल देखापरिसकेको छ। विशेष गरेर कतिपय ठाउँमा गाउँलेहरूलाई मताधिकारबाट वञ्चित गरेर आफ्नो इच्छा अनुसार मतदान गर्न बाध्य गराइयो। यसैले आउँदो पञ्चायत चुनाउमा ती गाउँलेहरूले स्वच्छ तथा निपष्क्ष चुनाउको अपेक्षा राखेका छन्। आज आफू राजगञ्जको बीडीओ कार्यालयमा आएँ र मानिसहरूलाई उत्सवको मुडमा नामाङ्कन पत्र बुझाउँदै गरेको देखे। पञ्चायत चुनाउ स्वतन्त्र तथा शान्तिपूर्ण ढङ्गमा सम्पन्न गराउनको लागि सरकार र निर्वाचन आयोगसित माग गरेको तिनले बताए।